وفاقی وزیر خارجہ شاہ محمود قریشی نے دورہ برطانیہ کے دوران برطانوی ہم منصب کے ساتھ ملاقات میں کرکٹ ٹیم کے دورے کی یکطرفہ منسوخی کا معاملہ اٹھایا، بغیر مشاورت دورہ منسوخ کرنے سے نقصان ہوا۔
تفصیلات کے مطابق وزیر خارجہ شاہ محمود قریشی نے اپنے بیان میں کہا کہ انگلینڈ ٹیم کا دورہ بغیر مشاورت کینسل کرنے سے سرکاری ٹی وی، عوام، پی سی بی سب کا نقصان ہوا جس پر معاملہ اٹھایا تھا، دورہ کینسل ہونے پر دونوں ممالک کے کرکٹ شائقین میں مایوسی تھی۔
برطانوی وزیر خارجہ کا کہنا تھا کہ یہ ان کی حکومت نہیں انگلش کرکٹ بورڈ کا فیصلہ تھا۔
وزیر خارجہ شاہ محمود قریشی نے مزید کہا کہ برطانوی وزیر خارجہ نے یقین دہانی کروائی کہ وہ ہمارے تحفظات برطانوی کرکٹ بورڈ تک پہنچائیں گے۔
شاہ محمود قریشی کا کہنا تھا کہ لگتا ہے اب پاکستان کا نقطہ نظر رجسٹر ہوا ہے، ہمارا مقصد سمجھانا تھا کہ ایسے فیصلے کرنے سے اثرات مرتب ہوتے ہیں، ایسے فیصلوں سے کھلاڑیوں، شائقین کو مشکلات کا سامنا کرنا پڑتا ہے، انگلش ٹیم کو اپنا شیڈول دیکھنا چاہیے کہ وہ کب پاکستان تشریف لاسکتے ہیں۔
- Featured Thumbs
- https://www.siasat.pk/data/files/s3/sm111.jpg
