غیر ملکی صحافی مائیکل کوگلمین عمران خان کے اسلام آباد جلسے سے مطمئن نظر آئے،انہوں نے عمران خان کی تقریر کی تعریف بھی کر ڈالی۔
مائیکروبلاگنگ ویب سائٹ ٹویٹر پر اپنے پیغام میں غیر ملکی صحافی نے کہا کہ مجھے لگتا ہے کہ جلسے کے حوالے سے عمران خان اپنا مقصد حاصل کرنےمیں کامیاب رہے ہیں۔
انہوں نے مزید کہا کہ آج کے جلسے کا بنیادی مقصد عدم اعتماد سے قبل عوامی طاقت و حمایت کا مظاہرہ کرنا تھا، اس میں عدم اعتماد کیلئے تھوڑا حصہ تھا جبکہ زیادہ حصہ آنے والے انتخابات سے متعلق تھا۔
مائیکل کوگلمین نے کہا کہ بہرحال جو بھی تھا عمران خان کی آج کی تقریر نے ایک انتخابی مہم کو جنم دیدیا ہے جو ان کی حمایت کی بنیاد پر آگے بڑھے گی۔
واضح رہے کہ آج وزیراعظم عمران خان نے اسلام آباد کے پریڈ گراؤنڈ میں ایک عالیشان جلسہ عام سے خطاب کیا ہے،اس موقع پر عمران خان کا کہنا تھا کہ مجھے ہٹانے کیلئے وہی سازش ہورہی ہے جو بھٹو کے خلاف کی گئی تھی،اس کیلئے باہر کا پیسا استعمال کیاجارہا ہے دھمکی آمیز خط بھی بطور ثبوت موجود ہے۔
انہوں نے مزید کہا کہ اپوزیشن کی عدم اعتماد کا ڈرامہ اس لیے ہورہا ہے کہ میں پرویز مشرف کی طرح گھٹنے ٹیک کر انہیں این آر او دیدوں، یہ تین چورچالیس سال سے ملک کو لوٹ رہے ہیں۔
- Featured Thumbs
- https://www.siasat.pk/data/files/s3/micheali1i11.jpg
