ٹی 20 ورلڈ کپ میں پاکستان کو شاندار کامیابیوں سے ہمکنار کروانے والے پاکستان کرکٹ ٹیم کے کپتان بابراعظم کی والدہ پہلے تینوں میچوں کے دوران شدید علیل تھیں۔
سوشل میڈیا پر مشہور گلوکار عاصم اظہر نے بھی اپنی ٹویٹ میں اس بارے میں بات کرتےہوئے کہا ہے کہ ٹی 20 ورلڈ کپ کے پہلے تینوں میچز کے دوران بابراعظم کی والدہ وینٹی لیٹر پر تھیں۔
انہوں نے اپنے بیان میں کہا کہ بابراعظم پاکستان کی فتح اور ملک کا نام روشن کرنے کیلئے جدوجہد کررہے ہیں اسی دوران ان کی والدہ تینوں میچز کے دوران وینٹی لیٹر پر تھیں۔ عاصم اظہر نے کہا یہ خبر سن کر میری آنکھوں میں آنسو آگئے ، ہم نے خود کو ایسے قومی ہیرو کے قابل بنانے کیلئے کیا کیا، بابراعظم اللہ آپ کی اور آپ کی والدہ کی حفاظت فرمائیں اور انہیں جلد صحت یابی نصیب فرمائیں، آمین۔
بابر اعظم کے والد کے نام سے منسوب انسٹاگرام اکاؤنٹ سے پوسٹ میں کہا گیا کہ کچھ سچ اب میری قوم کو پتہ ہونا چاہیے آپ سب کو مبارک تینوں جیت پر، ہمارے گھر پے بڑا امتحان تھا جس دن انڈیا سے میچ تھااُس دن بابر کی والدہ شدید نگہداشتمیں تھی اُن کا آپریشن ہواتھا بابر شدید پریشانی میں یہ تینوں میچ کھیلا میرا یہاں آنا نہیں بنتا تھا پر میں آیا کہ بابر کہیں کمزور نہ پڑ جاے کرم ہےپروردگار کا اب وہ ٹھیک ہیں بات شیئر کرنے کا مقصد خدارا اپنے قومی ہیروز کو بلا وجہ تنقید کا نشانہ نا بنایا کریں اور ہاں مجھے پتہ ہے مرے بغیر جنت نہیں ملتی اگر مقام ملتا ہے تو امتحان بھی دینے پڑ تے ہیں پاکستان زندہ باد
- Featured Thumbs
- https://www.siasat.pk/data/files/s3/10babrmother.jpg
Last edited by a moderator:
