پاکستان کے نامور اداکار بہروز سبزواری نے خود کے نام سے منسوب ویڈیو کی تردید کردی، کہا وائرل آڈیو جعلی ہے، فوج کے خلاف کوئی بیان نہیں دیا۔
بہروز سبزواری نے اپنے ویڈیو پیغام میں اپنی وائرل آڈیو پر وضاحت دیتے ہوئے کہا میں نے فوج کے خلاف کوئی بیان نہیں دیا اور جو آڈیو وائرل ہوئی وہ جعلی ہے جو کسی نے آرٹیفیشل انٹیلیجنس کی مدد سے بنائی ہے۔
اُنہوں نے کہا کہ فوج ہمارا طرۂ امتیاز ہے، فوج نے ہمیشہ پاکستانیوں کے لیے اپنی جان قربان کی ہے اور ہم بھی فوج کے لیے اپنی جان قربان کر سکتے ہیں۔
اداکار بہروز سبزواری نے کہا کہ اللّٰہ اُن سے حساب لے گا جو لوگ فوج کے خلاف اس طرح کی چیزیں پھیلا رہے ہیں،افواجِ پاکستان سے اظہارِ یکجہتی کرتے ہوئے اداکار نے کہا جن لوگوں کی دل آذاری ہوئی میں ان کو بتا دوں کہ یہ سب جھوٹ ہے،سب اللّٰہ سے دعا کریں کہ پاکستان اور پاکستانی فوج سلامت رہے۔
ملک بھر میں سانحہ نومئ کے واقعات کے بعد مذمت اور پاک فوج سے اظہار یکجہتی کا سلسلہ جاری ہے، فہد مصطفی سمیت مختلف فنکاروں نے بھی پاک فوج کے حق میں بیانات دیئے ہیں، ملک بھر میں ریلیوں کا سلسلہ بھی جاری ہے۔
- Featured Thumbs
- https://www.siasat.pk/data/files/s3/behroz-aah.jpg
