نیوزی لینڈ میں ایک رولنگ پروگرام میں نوجوانوں کو سگریٹ خریدنے کی اجازت دینے پر پابندی لگائی جا رہی ہے، جس کا مقصد 2025 تک پورے ملک کو سگریٹ نوشی سے پاک بنانا ہے۔ کیونکہ تمباکو نوشی جہاں انسان کے لیے انفرادی طور پر خطرناک ہے وہیں اس کے مضر اثرات فضائی آلودگی کا سبب بھی بنتے ہیں.
رائٹرز کے مطابق نئے قوانین کے تحت 14 سال سے کم عمر کے بچوں کو اپنی زندگی میں کبھی بھی کہیں سے بھی سگریٹ خریدنے کی اجازت نہیں ہو گی۔ نیوزی لینڈ کی وزیراعظم جیسنڈرا آرڈن کے منصوبے پر عمل کرانے کے لیے اور ملک کو مکمل پاک کرنے کے لیے ہر سال اس عمر کی حد میں اضافہ کر دیا جائے گا۔
نیوزی لینڈ حکومت سگریٹ بیچنے کی اجازت دی گئی دکانوں کی تعداد کو بھی محدود کر رہی ہے۔ ملک بھر میں صرف 500 دکانوں کو لائسنس دیا جا ئے گا۔
حکومت کی جانب سے سگریٹ کی قیمتوں میں بھی اضافہ کیا گیا ہے، لیکن اس سے کوئی خاص کمی نہیں آئی، جس کے بعد سخت فیصلے کیے جا رہے ہیں۔
نیوزی لینڈ کی ایسوسی ایٹ وزیر صحت ڈاکٹر عائشہ ویرال نے پارلیمنٹ میں بتایا کہ اس مقصد کےحصول کے لیے قوانین میں بہت سے ترامیم کی جائیں گی، جن میں سگریٹ کے 8000 قانونی ریٹیلرز کی تعداد 500 تک لانا اور 14 سال کی عمر کے نوجوان کو سگریٹ کی فروخت پر مکمل پابندی جیسے اقدامات بھی شامل ہیں۔
۔ یہ اقدام اس وقت سامنے آیا ہے جب ایک نئے سروے سے پتہ چلتا ہے کہ زیادہ تر آسٹریلوی بھی دکانوں میں سگریٹ کی فروخت پر مکمل پابندی چاہتے ہیں۔ حکومت نے اس بارے میں تفصیلات نہیں بتائیں کہ نئے قوانین کو کس طرح نافذ کیا جائے گا یا آیا وہ ملک میں آنے والوں پر کیسے لاگو ہوں گے۔
نیوزی لینڈ میڈیکل ایسوسی ایشن کے سربراہ الیسٹر ہمفری نے ایک بیان میں کہا کہ "سگریٹ نوشی سے روزانہ 14 نیوزی لینڈ کے باشندے ہلاک ہو جاتے ہیں اور تمباکو نوشی کرنے والے تین میں سے دو تمباکو نوشی کے نتیجے میں مر جائیں گے۔”
تاہم، ڈیری اینڈ بزنس اونرز گروپ جسے نیوزی لینڈ میں ڈیری کے نام سے جانا جاتا ہے نے کہا کہ اگرچہ اس نے تمباکو نوشی سے پاک ملک کی حمایت کی ہے، حکومت کا منصوبہ بہت سے کاروباروں کو تباہ کر دے گا۔
- Featured Thumbs
- https://www.siasat.pk/data/files/s3/new-zealand111.jpg
