نگراں حکومت کے لیے5نام شارٹ لسٹ, ن لیگ اور پیپلزپارٹی متفق
وزیردفاع خواجہ آصف کا کہنا ہے نگران وزیراعظم کے لیے پانچ نام شارٹ لسٹ کرلیے گئے,مسلم لیگ ن اور پیپلز پارٹی نے فیصلہ کیا نگران وزیراعظم کے عہدے کے لیے سیاستدان کو منتخب کیا جائے گا جس کے لیے 5 نام شارٹ لسٹ کرلیے گئے ہیں۔
خواجہ آصف نے بتایا اس سلسلے میں انہیں کوئی پیشکش نہیں کی گئی,وزیر دفاع نے مزید کہا پاکستان مسلم لیگ (ن) اور پاکستان پیپلز پارٹی نے مل کر اس حوالے سے 4 سے 5 نام شارٹ لسٹ کرلیے ہیں جب کہ نگران ویراعظم کے لیے کوئی ایک نام ایک ہفتے میں فائنل کرلیا جائے گا۔
خواجہ آصف نے بتایا اس سلسلے میں اتحادی جماعتیں مشاورت کے بعد فیصلہ کریں گی، میرے نزدیک ہمارے لیے بہتر ہےکہ الیکشن 90 روز میں ہوجانے چاہئیں۔
انہوں نے کہا یہ میری ذاتی رائے ہے کہ الیکشن 90 روز میں ہوں، میرے خیال سے اسمبلیاں مدت پورے ہونے سے دو روز قبل تحلیل کردی جائیں گی۔
وزیردفاع نے ایک بار پھر واضح کیا نگران وزیراعظم کے لیے اسحاق ڈار کا نام تجویز نہیں کیا گیا ہے اور نہ ہی انہوں نے خود ایسی کوئی خواہش ظاہر کی ہے، اسحاق ڈار نے کسی بھی فورم پر ایسا کوئی ارادہ ظاہر نہیں کیا کہ وہ نگران وزیراعظم بننے کے خواہش مند ہیں۔
پیپلز پارٹی کے ذرائع نے بھی اس بات کی تصدیق کی ہےکہ نگران وزیراعظم کے لیے پانچ نام ان سے شیئر کرلیے گئے ہیں
رواں ہفتے یہ اطلاعات سامنے آئی تھیں کہ مسلم لیگ (ن) نے وزیر خزانہ اسحاق ڈار کو نگران وزیراعظم بنانے کا فیصلہ کیا ہے تاہم لیگی قیادت نے ان خبروں کی تردید کردی تھی جب کہ ڈار کو نگران وزیراعظم بنائے جانے کی خبروں پر پیپلز پارٹی کی جانب سے بھی اعتراضات سامنے آئے تھے۔
نگران وزیراعظم کے حوالے سے جمعہ کے روز جے یو آئی (ف) کے سینیٹر کامران مرتضیٰ کا کہنا تھا کہ وزیراعظم شہباز شریف نگران وزیراعظم کے معاملے پر حتمی فیصلہ پی ڈی ایم سربراہ مولانا فضل الرحمان سے مشاورت کے بعد کریں گے۔
وزیر داخلہ رانا ثناء اللّٰہ کا کہنا ہے کہ مدت پوری ہونے سے 48 گھنٹے قبل اسمبلی تحلیل ہوجائیگی، 90دن میں انتخاب پر کسی قسم کے ابہام کی ضرورت نہیں ہے۔ یہ کہنا درست نہیں ایک نام آیا اور مسترد ہوگیا۔
- Featured Thumbs
- https://www.siasat.pk/data/files/s3/khawaja-asif-parliment.jpg
