اسلام آباد ہائی کورٹ نے ایون فیلڈ ریفرنس میں نواز شریف کی سزا کالعدم قرار دیتے ہوئے انہیں مقدمے سے بری کردیا، احتساب عدالت نے نواز شریف کو دس سال کی سزا سنائی تھی۔تجزیہ کاروں کے مطابق نوازشریف کی 10 سال کی سزا نیب کے ایک منٹ کے دلائل سے ختم ہوگئی۔
نیب پراسیکیوٹر نے کہا کہ مریم نواز کی بریت کے فیصلے کے خلاف نیب نے اس وقت اپیل نہیں کی تھی، اب وہ فیصلہ حتمی ہے اس پر ہم دلائل نہیں دے سکتے تو عدالت نے کہا کہ پھر اس کو منظور کرلیں؟ ھس پر نیب نے ہاں میں جواب دیا تو عدالت نے نوازشریف کو بری کردیا۔
بیرسٹر شہزاداکبر نے ردعمل دیتے ہوئے کہا کہ نواز شریف کو ججوں نے سزا دلوائی آج جرنیلوں نے بری کروا دیا…. پاکستان میں احتساب اور انصاف کی کہانی بھی صرف اتنی سی ہے!
اوریا مقبول جان نے اس پر کہا کہ نواز شریف کا نیب کے مقدمات سے بری ہوکر یہ کہنا کہ مجھے اللہ نے سرخرو کیا ہے ، بالکل ویسا ہی ہے جیسے کوئی ڈاکو ، ڈکیتی کے مقدمے میں رشوت دے کر بچ نکلےاور اللہ کو بھی اپنے جرم میں حصے دار بنانے کے لئیے مسجد میں قالین ڈلوائے یا کسی دربار پر لنگر کا اہتمام کردے
عمران بھٹی کا کہنا تھا کہ ظاہر عمران خان جس لندن پلان کا زکرکرتے تھے وہ اصلی حالت میں نافذ کیا جارہا ہے اور عمران خان کے موقف کو سچ ثابت کررہا ہے
ارشاد بھٹی کا کہنا تھا کہ اسلام آبادہائیکورٹ کےنوازشریف کو ایون فیلڈ ریفرنس میں بری کرنےکی حقیقیت بس اتنی سی ہےکہ ایون فیلڈفلیٹس موجود،نوازشریف خاندان ان فلیٹس میں موجود مگر نہ منی ٹریل موجود اور نہ کیس موجود
ثاقب بشیر نے کہا کہ اسلام آباد ہائیکورٹ میں نواز شریف کی اپیل میں نیب نے دلائل کے لیے آدھ گھنٹہ مانگا تھا لیکن آدھے منٹ میں ہی سب کچھ بول دیا اور نواز شریف بری ہو گئے
مبشرزیدی نے کہا کہ سو آئی ایس پی آر کی ایک لوہار کی
محمد عمیر نے تبصرہ کیا کہ اللہ میاں نے کہا میاں صاحب جھوٹا سٹام دو اور چار سال بیماری کے بہانے باہر رہو،ساری دنیا میں جاو پاکستان میں نہ آنا،پھر اللہ نے اپنا حافظ بھیجا جس نے اللہ میاں کا پیغام میاں نواز شریف کو دیا پھر نواز شریف واپس آئے تو اللہ میاں نواز شریف کو سرخرو کیا۔
طارق متین کا کہنا تھا کہ یہ بریت پیچھے ہٹنے سے ہوئی ہے نواز شریف نے بے گناہی کا ثبوت اب بھی نہیں دیا
اسداللہ خان کا کہنا تھا کہ نیب اور عدالت مل کر اس نتیجے پر پینچے ہیں کہ ایون فیلڈ اپارٹمنٹس سے نواز شریف اور ان کے خاندان کا کوئی تعلق نہیں
عدنان عادل نے تبصرہ کیا کہ لندن کے جن ایون فیلڈ اپارٹمنٹس میں نواز شریف چار سال رہ کر پاکستان آئے ہیں ان سے نواز شریف کا کوئی تعلق ثابت نہیں ہوا۔ اسلیے انہیں بری کر دیا گیا۔
ملیکہ بخاری نے کہا کہ گاڈ فادر کا لفظ انکے لئے ہی لکھا گیا ہے۔ مریم نواز کا ترازو کے پلڑے برابر ہونا پاکستان کی عوام نے دیکھا اور ایک قومی مجرم کو پاکستان کی عدالت نے بری کر دیا۔ قومی مجرم اب ایوان کی زینت بننے کیلئے تیار ہے اور محب وطن، باوقار پاکستانی جیلوں میں اسیر اور قید ہیں۔ نظام عدل کی اس عمدہ کارکردگی پر انکو پاکستان کی عوام سلام پیش کرتی ہے۔
اکبر کا کہنا تھا کہ نیب نے جواب دیا میاں صاحب لاڈلے ہیں انکو بری کردیں
- Featured Thumbs
- https://www.siasat.pk/data/files/s3/na1h11h21h1h.jpg
