مبینہ طور پر 9 مئی واقعات میں ملوث اور ٹک ٹاک ویڈیوز سے شہرت حاصل کرنےوالی مریم اکرام کو ن لیگ کی جانب سے خواتین کی مخصوص نشست پر رکن قومی اسمبلی منتخب کروادیا گیا ہے، پی ٹی آئی کی سابق کارکن پر اس مہربانی پر ن لیگ کے اپنے کارکنان و رہنما تلماتے ہوئے دکھائی دے رہے ہیں۔
تفصیلات کے مطابق مسلم لیگ ن کی جانب سے قوم اسمبلی میں جمع کروائی گئی خواتین کی مخصوص نشستوں کی فہرست میں ایک نام مریم اکرام کا بھی ہے جو کچھ عرصہ پہلے تک پاکستان تحریک انصاف کی سرگرم کارکن رہ چکی ہیں اور 9 مئی واقعات میں بھی ان کی تصاویر ریکارڈ کا حصہ ہیں، مریم اکرام ٹک ٹاک پر انٹرٹینمنٹ ویڈیو ز بنانے کے حوالے سے بھی مشہور ہیں۔
ن لیگ کی جانب سے پارٹی کی وفادار اور پرانی ورکرز کے بجائے ایسی خاتون کو ایم این اے منتخب کروانے کے فیصلے پر سوشل میڈیا صارفین کی جانب سے سخت ردعمل سامنے آرہا ہے، اہم بات یہ ہے کہ پارٹی کے اس فیصلے کو ن لیگ کے اپنے کارکنان بھی تنقید کا نشانہ بنارہے ہیں۔
صحافی اسد کھرل نے بتایا کہ مریم اکرام کا نام قیادت کی مظوری کے بغیر فہرست میں ڈالا گیا، پہلی میٹنگ میں جب نام ڈسکس ہوا تو نواز شریف نے اس نام کو ایم پی اے کیلئے آخری ترجیحات میں رکھنے کی ہدایات دیں، بعدازاں جن میٹنگز میں نواز شریف موجود نہیں تھے اوپر کے نام مسترد کرکےمریم کا نام فہرست میں شامل کیا گیا۔
اجمل جامی نے انکشاف کیا کہ ن لیگ کی جانب سے خواتین کی مخصوص نشستوں پر ایک انتہائی نیا نام جب سامنے آیا تو پرانی ورکرز اور ذمہ داران کے ہاں شدید غم و غصہ پایا گیا، اسی لئے اعلیٰ قیادت اس ایک نئے نام کو ڈراپ کرنے پر رضا مند ہوگئی ہے۔ بصورت دیگر خواتین ونگ کی کچھ ذمہ داران مستعفی ہونے کی دھمکی دے رہی ہیں۔
صحافی عمران افضل راجا نے کہا کہ نام نہاد سانحہ 9 مئی اور ن لیگ کی نئی رکن قومی اسمبلی، جب تک یہ لوگ اقتدار میں رہیں گے روز نئے نئے لطیفے دیکھنے کو ملیں گے۔
اسد چوہدری نے لکھا کہ خبر یہ ہے کہ نام واپس نہیں ہوسکتا کیونکہ فہرست دی جاچکی ہے، تاہم اس متنازعہ خاتون کا رکن اسمبلی بننا ن لیگ کے سب سے زیادہ قربانیاں دینے والے ہزاروں نظریاتی کارکنوں کو پارٹی سے متنفر کردے گا۔
رباب حیات نے کہا کہ 9 مئی کا بیانیہ تباہ ہوگیا ہے۔
سوشل میڈیا ایکٹوسٹ شہزاد نے کہا کہ ن لیگ کی نئی رکن قومی اسمبلی پی ٹی آئی کے 9 مئی کے بلوائی حملے میں شامل تھی، سبحان اللہ۔
صحافی شعیب جٹ نےکہا کہ پی ٹی آئی کا بیانیہ تھا کہ سانحہ 9 مئی ن لیگ کے افراد نے پی ٹی آئی کا لبادہ اوڑھ کر کیا، مریم اکرام کو ایم این اے نامزد کیے جانے سے یہ بات واضح ہوتی ہے کہ مریم 9 مئی کو بھی ن لیگ کی تھی اور اب بھی ن لیگ کی ہی رکن اسمبلی بنے گی۔
صحافی مقدس فاروق نے کہا کہ ایسا محسوس ہورہا ہے کہ مریم کو رکن اسمبلی نامزد کرکے ن لیگ نے اپنے پاؤں پر خود کلہاڑی ماردی ہے، اب ن لیگ کا 9 مئی والا ٹھس ہوگیا ہے۔
ایک صارف نے مریم اکرام کی شیشہ پیتے ہوئے ویڈیو شیئر کی اور کہا کہ یہ ہیں مخصوص نشست پر ن لیگ کی رکن قومی اسمبلی بننے والی مریم اکرام۔
کامران واحد نے مریم اکرام کی شہباز شریف کی حلف برداری تقریب میں شرکت کی تصاویر شیئر کی اور کہا کہ یہ ہیں اصل 9 مئی والے۔
ن لیگی ورکر طیبہ امجد نے مریم نواز کو مخاطب کرتے ہوئے کہا کہ ہم ن لیگ کے مخلص ورکر ہیں جو روزانہ مخالفین سےگالیاں کھاکر بھی آپ کا دفاع کرتے ہیں، شمائلہ رانا، مائزہ حمید اور عنیزہ پر مریم اکرام کو ترجیح دینے کی وجہ ان کی کونسی کارکردگی ہے؟
راجا کبیر نے کہا کہ پی پی 65 میں بدترین شکست کا سامنا کرنے والے پیر فرید کی بیٹی کو مخصوص نشست دینے پر سوال ضرور کریں، تاہم اخلاقیات کے دائرے سے باہر نا نکلیں۔
- Featured Thumbs
- https://www.siasat.pk/data/files/s3/4maryammakiairkma.png
Last edited by a moderator:
