راولپنڈی کی مقامی عدالت نےسابق وزیر اعلیٰ پنجاب کے پرنسپل سیکرٹری محمد خان بھٹی کو اینٹی کرپشن مقدمے سےڈسچارج کردیا ہے۔
محمدخان بھٹی پر30 کروڑ روپے مالیت کی چینی کاذخیرہ حاصل کرنےکا الزام ہے۔ عدالت نے قرار دیا کہ فی الحال ملزم کیخلاف ٹھوس شواہد موجود نہیں۔
صحافی ثاقب بشیر نے اس پر ردعمل دیتے ہوئے لکھا کہ کرپشن کے مقدمے میں محمد خان بھٹی کے خلاف کیس میں عدالت لکھ رہی ہے کوئی ثبوت موجود نہیں ۔۔۔ اور کیس سے ڈسچارج کر دیا ۔اعترافی بیان فلاں کا نام لے لیا سب کدھر گیا ۔۔
ان کامزید کہنا تھا کہ اسی لئے کہتے ہیں کیس قانونی لحاظ سے لڑا جاتا ہے میڈیا و سوشل میڈیا مہم سے نہیں۔ ۔۔ وگرنا یہی حشر ہوتا ہے
واضح رہے کہ آج اینٹی کرپشن حکام نے 10 روزہ جسمانی ریمانڈ کی استدعا کرتے ہوئے کہا تھا کہ ملزم سے رقم اور چینی سے متعلق تفتیش کرنی ہے۔
محمد خان بھٹی کے خلاف درج مقدمے کے متن کے مطابق محمد خان بھٹی پر 30 کروڑ روپے کی کرپشن کا الزام ہے، انہوں نے الائنس شوگر ملز گھوٹکی سے چینی خرید کر اسٹاک کی۔
محمد خان بھٹی کو راہداری ریمانڈ پر لاہور سے تھانہ اینٹی کرپشن راولپنڈی منتقل کیا گیا تھا۔
- Featured Thumbs
- https://www.siasat.pk/data/files/s3/battiahahs.jpg
