جس سپیڈ سے تو نے کرپشن کی ہے، اسی سپیڈ سے تیرا احتساب بھی ہوگا: عامر میر
سابق وزیراعلیٰ پنجاب چودھری پرویز الٰہی کے صاحبزادے مونس الٰہی کی نگران وزیراعلیٰ پنجاب محسن نقوی پر تنقید کرنے پر نگران وزیر اطلاعات و ثقافت عامر میر غصے میں آ گئے۔
نگران وزیراعلیٰ پنجاب محسن نقوی نے لاہور میں 15 ویں پولیس خدمت کے افتتاح کی تقریب کی ویڈیو جاری کی جس میں وہ فنگرپرنٹس اور پروفائل پک کمپیوٹر میں لگا رہے ہیں۔ ویڈیو کے ساتھ ٹوئٹر پیغام میں لکھا کہ : حکومت ڈرائیونگ لائسنس کے حصول کے لیے بہترین سہولیات فراہم کرنے کے لیے پرعزم ہے۔
مونس الٰہی نے محسن نقوی کے ٹویٹر پیغام پر ردعمل دیتے ہوئے لکھا کہ: آپ پریشان نہ ہوں یہی پروفائل پک اور فنگرپرنٹس آپ کو ان تمام جرائم میں گرفتار کرنے کے لیے استعمال کیے جائیں گے جو آپ نے پاکستان تحریک انصاف کے کارکنوں کے خلاف کیے ہیں۔
مونس الٰہی نے ایک اور ٹویٹر پیغام میں عوامی ٹیکس کے پیسوں سے نگران وزیراعلیٰ پنجاب کی ذاتی تشہیر کے کیس کی خبر شیئر کرتے ہوئے لکھا کہ: محسن نقوی حکومت پنجاب کے خزانہ کے کروڑوں روپے زاتی اشتہاری مہم پر اڑانے میں ملوث ہیں۔ لاہور ہائی کورٹ نے فلائی اوورز کی اشتہاری مہم میں اس نوسرباز کی ذاتی تشہیر کا ریکارڈ ایل ڈی اے سے طلب کر لیا ہے۔ اللہ تعالی پاکستان کو ان شوبازوں اور نوسربازوں سے محفوظ رکھے!
نگران وزیر اطلاعات و ثقافت عامر میر نے مونس الٰہی کے ٹوئٹر پیغامات پر شدید ردعمل کا اظہار کیا۔ انہوں نے لکھا کہ: بھگوڑے اشتہاری مونس الٰہی، رونے تو ابھی تیری گرفتاری کے بعد نکلنے ہیں جو ساری دنیا دیکھے گی لیکن اچھی بات یہ ہے کہ تو نے بھی محسن نقوی کی سپیڈ کا اعتراف کر لیا ہے۔ میرا مفت مشورہ یہ ہے کہ بےصبرا نہ ہو، جس سپیڈ سے تو نے کرپشن کی ہے، اسی سپیڈ سے تیرا احتساب بھی ہوگا۔
مونس الٰہی نے طنزیہ انداز میں عامر میر کے ٹوئٹر پیغام پر ردعمل دیتے ہوئے لکھا کہ: سنا ہے کل کی میری ٹویٹ کے بعد نوسرباز محسن نقوی نے سپیڈ میں رونا شروع کردیا ہے۔ وہ اتنی سپیڈ میں رویا ہے کہ نیب کو مجبوراً ہمارے اوپر ایک نیا جعلی کیس بنانا پڑ گیا ہے ۔
- Featured Thumbs
- https://www.siasat.pk/data/files/s3/amir-mir-khan-a.jpg
