قرارداد مقاصد 12مارچ 1949, تمہید آئین پاکستان

[atensari]

 

[atensari]

http://www.pakistani.org/pakistan/constitution/preamble.html

قرار داد مقاصد كا مكمل متن
(يہ قرار داد 12 مارچ 1949ء كو پاكستان كى پہلی دستور ساز اسمبلى نے منظور كى۔
يہ قرار داد پاكستان كے آئین کے ليے رہنما اصول متعين كرتى ہے۔)

اللہ تعالیٰ ہی کل کا ئنات کا بلا شرکت ِ غیرے حاکم ِمطلق ہے۔اس نے جمہور کے ذریعے مملکتِ پاکستان کو جو اختیار سونپا ہے،وہ اس کی مقررہ حدود کے اندر مقدس امانت کے طور پر استعمال کیاجائے گا۔​

مجلس دستور ساز نے جو جمہور پا کستان کی نما ئندہ ہے ،آزاد و خود مختار پا کستان کے لیے ایک دستور مرتب کر نے کا فیصلہ کیا ہے۔​

جس کی رو سے مملکت اپنے اختیارات و اقتدار کو جمہور کے منتخب نما ئندوں کے ذریعے استعمال کرے گی۔​

جس کی رو سے اسلام کے جمہوریت،حریت،مساوات،رواداری اور عدل ِعمرانی کے اصولوں کا پورا اتباع کیا جائے گا۔​

جس کی رو سے مسلمانوں کو اس قابل بنا دیا جائے گا کہ وہ انفرادی اور اجتما عی طور پر اپنی زندگی کو قرآن و سنت میں درج اسلامی تعلیمات و مقتضیات کے مطابق ترتیب دے سکیں۔​

جس کی رو سے اس امر کا قرارواقعی اہتمام کیا جائے گا کہ اقلیتیں،اپنے مذاہب پر عقیدہ رکھنے،عمل کر نے اور اپنی تقافتوں کو ترقی دینے کے لیےآزاد ہوں۔​

جس کی رو سے وہ علاقے جو اب تک پا کستان میں داخل یا شامل ہو جا ئیں،ایک وفاق بنا ئیں گے
جس کے صوبوں کو مقررہ اختیارات واقتدار کی حدتک خود مختاری حاصل ہو گی۔​

جس کی رو سے بنیادی حقوق کی ضمانت دی جا ئے گی اور ان حقوق میں جہاں تک قانون واخلاق اجازت دیں، مساوات،حیثیت ومواقع کی نظر میں برابری،عمرانی،اقتصادی اور سیاسی انصاف،اظہارخیال،عقیدہ،دین،عبادت اور جماعت کی آزادی شامل ہو گی۔​

جس کی رو سے اقلیتوں اور پسماندہ و پست طبقات کے جا ئز حقوق کے تحفظ کا قرار واقعی انتظام کیا جائے گا۔​

جس کی رو سے نظام ِعدل گستری کی آزادی پو ری طرح محفوظ ہپو گی۔​

جس کی رو سے وفاق کے علاقوں کی صیانت،آزادی اور جملہ حقوق ،بشمول خشکی و تری اور فضا پر صیانت کے حقوق کا تحفظ کیا جا ئے گا۔​

تاکہ اہل ِپاکستان فلاح وبہبود کی منزل پا سکیں اور قوام عالم کی صف میںاپنا جائز و ممتاز مقام حاصل کریں اور امن عالم اور بنی نوع انسان کی تر قی و خوش حالی کے لیے اپنا بھر پور کر دار ادا کر سکیں۔''
ختم شد۔​

 

[atensari]

قومی اسمبلی نے شراب پر پابندی لگانے کی قرارداد کو بھاری اکثریت سے مسترد کرکے نا صرف قرآن مجید بلکہ آئین کی خلاف ورزی بھی کی ہے​

 

[atensari]

 

[atensari]