پی پی رہنما شیری رحمان نے سوشل میڈیا پر کلاؤڈ برسٹ کی جو ویڈیو شیئر کی اور اس صورتحال کے پیش آنے سے متعلق جامشورو کے حوالے سے دعویٰ کیا تاہم یہ ویڈیو جھوٹی نکلی اور اس طرح شیری رحمان کا بھانڈا پھوٹ گیا۔
تفصیلات کے مطابق شیری رحمان نے ایک ویڈیو چند روز قبل شیئر کی جس کے کیپشن میں لکھا کہ 19 اگست 2022 کو سندھ کے مختلف علاقوں میں شدید ترین بارشیں ہوئیں جبکہ جامشورو میں کلاؤڈ برسٹ کی صورتحال پیش آئی۔
جب ویڈیو سوشل میڈیا پر وائرل ہوئی تو پتہ چلا کہ یہ ویڈیو کلپ چند ہفتے قبل ہی کین آرٹی فوٹوگرافی نامی انسٹاگرام پلیٹ فارم پر شیئر کی گئی تھی۔ جس کے کیپشن میں لکھا گیا تھا کہ اس دن کو کبھی بھی نہیں بھلایا جا سکتا۔ میں ایسا زندگی میں دوبارہ نہیں دیکھنا چاہوں گا کیونکہ زندگی میں کچھ ہی لمحات ایسے آتے ہیں جنہیں دیکھ کر آپ کو لگتا ہے کہ یہ کوئی خواب نہیں بلکہ حقیقت ہے۔
- Featured Thumbs
- https://www.siasat.pk/data/files/s3/4sherryrehmanfactcheck.jpg
