عالمی ادارہ صحت سے غزہ میں صحت سے متعلق سہولیات پر خبردار کردیا,ڈبلیو ایچ او کا کہنا ہے کہ غزہ کو جان بچانے والی امداد پہنچانے کے لیے بلا رکاوٹ رسائی دی جائے، غزہ میں انسانی اور صحت کا بحران تباہ کن حد تک پہنچ گیا,عالمی ادارہ صحت کا کہنا ہے کہ ہر گزرتا لمحہ لاتعداد جانوں کو خطرے میں ڈالتا جارہا ہے۔
ڈبلیو ایچ او نے کہا کہ دنیا جانیں بچانے کے مشن میں رکاوٹوں کو برداشت نہ کرے، غزہ میں صحت کا بحران تباہ کن حدوں کو چھو رہا ہے,عالمی ادارہ صحت نے خبردار کیا کہ اگر آج ایندھن کی فراہمی بحال نہ ہوئی تو غزہ میں امدادی آپریشن رک جائے گا۔
عالمی امدادی اداروں کی دہائیوں کے باوجود غزہ میں ایندھن اب تک نہیں پہنچا، اقوام متحدہ کی امدادی ایجنسی نے خبردار کیا ہے کہ آج رات تک ایندھن کی فراہمی بحال نہ ہوئی تو امدادی آپریشن رک جائے گا۔
فلسطینی ہلال احمر سوسائٹی کا کہنا ہے کہ رفح کراسنگ بارڈر سے امدادی سامان کے آج بارہ ٹرک غزہ پہنچے، غزہ میں روزانہ 100 امدادی ٹرکس کی ضرورت ہے، 6 روز میں 74 ٹرک ضروریات کا عشر عشیر بھی نہیں۔
وزارت صحت نے کہا کہ ہم صحت کے بحران سے خبردار کر رہے ہیں کیونکہ ہسپتال پناہ گاہیں بن رہے ہیں جہاں ہزاروں افراد بنیادی سہولتوں کے فقدان کے باوجود رہنے پر مجبور ہیں اور اس کی وجہ سے وبائی امراض پھیل رہے ہیں۔
فلسطینی وزارت نے تمام فریقین سے مطالبہ کیا کہ وہ بچے کچھے صحت کا نظام بحال کرنے کے لیے اقدامات کریں اور مصر پر زور دیا کہ وہ رفح سرحد کھولے تاکہ ایندھن اور طبی امداد پہنچائی جاسکے۔
غزہ میں اسرائیلی حملے جاری ہے چند گھنٹے میں متعدد علاقوں پر بمباری کی ہے، بمباری میں متعدد رہائشی عمارتیں تباہ ہوچکی ہیں جس کے نتیجے میں 20 فلسطینی شہید ہوچکے ہیں۔
اسرائیلی فوج نے شمالی غزہ میں جبالیہ پناہ گزین کیمپ کو نشانہ بنایا، خان یونس پر بمباری سے مکمل رہائشی عمارت زمین بوس ہوگئی,فلسطینی وزارت صحت کا کہنا ہے کہ اسرائیلی بربریت، شہید فلسطینیوں کی تعداد 7 ہزار 28 ہوگئی ہے۔ شہید فلسطینیوں میں تین ہزار بچے، 1709 خواتین اور 397 بزرگ شامل ہیں۔
وزارت صحت سے متعلق اسرائیلی حملوں میں اب تک 18 ہزار 484 فلسطینی زخمی ہوئے، اسرائیلی فوج نے گزشتہ چوبیس گھنٹے میں 43 فضائی حملے کیے، 481 فلسطینی شہید ہوئے,اسرائیلی حملوں میں اب تک لاپتا فلسطینیوں کی تعداد 1650 ہے جن میں 940 بچے بھی شامل ہیں۔
- Featured Thumbs
- https://www.siasat.pk/data/files/s3/ghaza-aa.jpg
