سینئر صحافی و تجزیہ کار نصرت جاوید کا کہنا ہے کہ جتنے بھی لوگ عمران خان سے ملاقات کرکے آرہے ہیں حالات کی سنگینی کے بارے صرف علیمہ خان بات کررہی ہیں، باقی سب لوگ صرف دیہاڑیاں لگارہے ہیں اور ایئر ٹائم کمارہے ہیں۔
پبلک نیوز پر اپنے پروگرام " خبرنشر" میں خصوصی گفتگو کرتے ہوئے نصرت جاوید کا کہنا تھا کہ علیمہ خان ہر بار حالات کی سنگینی کے بارے میں بات کرتی رہیں، فریاد کرتی رہیں کہ یہ سنگین الزامات ہیں، ان میں جان کا خطرہ ہے، سزائے موت کا خطرہ ہے، عمران خان کو ساری عمر کیلئے جیل میں رکھنے کی پلاننگ ہورہی ہے۔
انہوں نے کہا کہ جیل میں عمران خان کو ایسا دفاع چاہیے جو یہ بتائے کہ پاکستانی سفیر کی جانب سے امریکی دھمکی پر مبنی خط میں نے بطور وزیراعظم اپنی کابینہ سے مشاورت کے بعد سائفر کو ملکی وقومی مفاد میں خفیہ نا رکھنے اور پبلک کرنے کا فیصلہ کیا۔
نصرت جاوید نے کہا کہ کون سے قانون کے تحت آپ بطور گواہ ڈونلڈ لو کو عدالت میں سمن کرسکتے ہیں۔ میزبان نے پوچھا کہ یہ کتنا سنگین کیس ہے اور اس میں کس حد تک سزا ہوسکتی ہے؟
نصرت جاوید نے کہا کہ یہ ایک بہت سنگین کیس ہے، اس کیس میں سزائے موت بھی ہوسکتی ہے۔ میزبان نے کہا کہ جب اتنے خطرناک کیس میں نامزد ملزم اگر یہ چاہتا ہے کہ اس کیس میں گواہ کے طور پر پیش کیا جائے ڈونلڈ لو کو، جنرل قمر جاوید باجوہ تو اس میں برائی کیا ہے۔
- Featured Thumbs
- https://www.siasat.pk/data/files/s3/11nusratjavejhjshjdhdgdh.png
