صحافی ماجد نظامی نے مریم نواز کا 2021 کا ٹویٹ شئیر کیا جو 2 صحافیوں عامر میر اور عمران شفقت سے متعلق تھا جنہیں 2021 میں اغوا کیا گیا تھا
مریم نواز نے 2021 میں ٹویٹ شئیر کرتے ہوئے کہا تھا کہ ایک ہی دن میں دو صحافیوں کا اغوا نہایت ہی تشویشناک ہے۔صحافی برادری کی حفاظت ریاست کی ذمہ داری ہے اس میں کوتاہی مجرمانہ ہے۔ تنقید کرنے پر کسی کو غائب کردینا غیر اعلانیہ مارشل لا ہے۔ کس کس کو چپ کرائیں گے؟ اب تو پورا ملک بول رہا ہے۔یہ حرکتیں آپ کو کہیں کا نہیں چھوڑیں گی۔ افسوس!
اس پر صحافی ماجد نظامی نے کہا کہ مریم نواز صاحبہ! رات بھی دو صحافیوں کا اغوا ہوا جو کہ نہایت ہی تشویشناک ہے۔ تنقید کرنے پر کسی کو غائب کر دینا غیر اعلانیہ مارشل لا ہے، جس کا حصہ آج آپ بھی ہیں۔ کس کس کو چپ کرائیں گے؟ اب تو پورا ملک بول رہا ہے۔ واقعی یہ حرکتیں آپ کو کہیں کا نہیں چھوڑیں گی۔ افسوس!
اس پر وزیراطلاعات پنجاب بول پڑیں اور کہا کہ آپ ان لوگوں کو صحافی کہتے ہیں جو جھوٹی خبریں ڈالروں کے لئے پورے ملک میں آگ لگوانے کا دھندہ کرتے ہیں؟
انہوں نے مزید کہا کہ جو رینجر اہلکاروں کی ہلاکت پہ جھوٹ بولتے ہیں،فرضی لاشیں ڈھوںڈتے پھرتے ہیں تاکہ پراپیگنڈہ سیل میں حاضری لگوائی جاسکے،یہ صحافت ہوتی ہے؟
ماجد نظامی کو مخاطب کرتے ہوئے انہوں نے کہا کہ پلیز اپنے بیچ میں سے ایسے لوگوں کو خود علیحدہ کریں یہ آپ کا فرض ہے
ماجد نظامی نے اس پر عظمیٰ بخاری کو جواب دیا کہ عرض یہ ہے کہ مطیع اللہ جان کے خلاف ایف آئی آر میں آپ کی جانب سے لگائے گئے ان تمام الزامات کا دور دور تک کوئی ذکر نہیں ہے۔ ایف آئی آر میں الزام لگایا گیا ہے کہ وہ نشے کی حالت میں گاڑی چلا رہے تھے اور ان سے آئس برآمد ہوئی ہے۔ رانا ثنا اللہ پر ہیروئن کے مقدمے کی یاد تازہ ہو گئی
احمد نورانی نے اس پر کہا کہ مطیع نے ایسا کچھ نہیں کیا۔ رینجرز والے واقع پر مطیع اللہ جان کی رپورٹنگ سو فیصد درست تھی۔ جو بعد میں ثابت بھی ہوئی۔ لاشوں کے بارے ہسپتال حکام نے خود تصدیق کی۔ جنازوں تک کی تپورٹنگ ہوئی۔ افسوس ن لیگ اس حد تک گِر گئی کہ مطیع اللہ جان پر اتنے غلیظ الزام لگانے لگی۔
بے نظیر شاہ نے عظمیٰ بخاری کو جواب دیا کہ پہلی بات تو یہ ہے کہ اپنی ویڈیو میں، مطیع اللہ متاثرہ کے بھائی کا نقطہ نظر پیش کر رہے تھے، جو کہ ایک صحافی کی ذمہ داری ہے کہ وہ تمام نقطہ نظر کو اجاگر کرے، بجائے اس کے کہ اندھا دھند ریاست کے بیانیے کو قبول کرے۔
انہوں نے مزید کہا کہ جہاں تک یہ تصدیق کرنا کہ آیا پی ٹی آئی احتجاج کے دوران کوئی ہلاکتیں ہوئیں، یہ بھی ایک صحافی کی ذمہ داری کے دائرہ کار میں آتا ہے۔ورنہ، حکومت مظاہرین کے زخمی ہونے کے بارے میں اسپتال کے ڈیٹا کو کیوں چھپا رہی ہے، اور طبی عملہ میڈیا سے بات کرنے سے کیوں انکار کر رہا ہے؟
انکا مزید کہنا تھا کہ آخر میں، یہ انتہائی تشویشناک بات ہے کہ پنجاب کے وزیر اطلاعات یہ سمجھتے ہیں کہ اس سب—چاہے وہ حقیقی رپورٹنگ ہو یا غلط معلومات کی ترسیل—اغوا یا جھوٹے ایف آئی آرز کے اندراج کو جواز فراہم کر سکتا ہے۔
ثمینہ پاشا نے طنز کیا کہ چلو بھئی۔۔ محترمہ عظمیٰ بخاری کا فتویٰ آ گیا ہے ۔۔ اب پتہ چلا ہے کہ مطیع اللہ جان بھی صحافی نہیں ہیں۔۔ البتہ عمران خان کے دور میں وہ صحافی تھے اس لئے شہباز شریف اور مریم نواز وغیرہ نے ان کی گمشدگی پر آواز اٹھا ئی تھی۔
مبشرزیدی نے سوال کیا کہ اور اس ریاست کو کیا کہتے ہیں جو جھوٹے کیس بناتی ہے
مریم نواز خان نے ردعمل دیا کہ ٹھیک ہے، درج ایف آئی آر کو ثابت کرا دیں اور اس میں کوئی ایک بھی الزام آپ کی ان فرمودات سے مطابقت رکھتا ہو تو بتا دیں
وی لاگر وسیم اعجاز جنجوعہ نے کہا کہ ہاں جی صحافی صرف وہ ہی ہے جو شریف خاندان کا میراثی بن کر رہے
شیراز حسن نے سوال کیا کہ صحافی جعلی خبریں پھیلاتا ہے اس لیے اس پر منشیات اور دہشت گردی کا مقدمہ کروا دو۔ یہ مشورے آپ کو کون دیتا ہے؟
- Featured Thumbs
- https://www.siasat.pk/data/files/s3/puan11h1.jpg
Last edited:
