رکن قومی اسمبلی عامر لیاقت نے اپنی سابقہ اہلیہ بشریٰ، طوبہ اور دانیہ شاہ کے لیے ایک پیغام جاری کیا جس کے بعد سوشل میڈیا پر انہیں شدید تنقید کا نشانہ بنایا جا رہا ہے۔
عامر لیاقت نے گزشتہ روز انسٹاگرام پر ایک اسٹوری لگائی جس میں انہوں نے اپنی سابق بیویوں کے ہمراہ تصاویر شیئر کیں۔ انہوں نے لکھا کہ "تُم تینوں سے تو واللّہ اللّہ پوچھے گا، ہمیشہ کے لیے اللّہ حافظ۔"۔ ساتھ ہی انہوں نے تصاویر پر مشتمل ویڈیو بھی پوسٹ کی جس پر طویل کیپشن درج تھا اور بیک گراؤنڈ پر گانا بھی لگا تھا۔
سوشل میڈیا پر رکن قومی اسمبلی کی ویڈیو وائرل ہوئی تو صارفین نے بڑی تعداد میں تبصرے کیے اور عامر لیاقت پر سخت تنقید کی۔
صارفین نے کہا کہ عامر لیاقت کو طبی امداد کی ضرورت ہے جب کہ ایک اور صارف نے لکھا کہ عامر لیاقت محض سوشل میڈیا صارفین کی توجہ اپنی جانب مبذول کروانے کے لیے اس قسم کی حرکات کر رہے ہیں۔
پلوشہ نامی صارف نے کہا کہ میں مسلمان ہونے کی حیثیت سے عامر لیاقت کے لیے دعا گو ہوں کہ انہیں سکون نصیب ہو، جبکہ ایک صارف نے تنقید کرتے ہوئے کہا کہ وہ بہت جلد کسی پاگل خانے میں ہوں گے۔
یاد رہے کہ تیسری اہلیہ دانیہ شاہ کے سنگین الزامات کے بعد سے اب تک عامر لیاقت حسین خبروں میں ہیں اور ساتھ ہی اُنہیں سوشل میڈیا صارفین کی جانب سے شدید تنقید کا نشانہ بھی بنایا جاتا ہے۔
- Featured Thumbs
- https://www.siasat.pk/data/files/s3/amir-liaqat-wifes-mess.jpg
Last edited:
