والدہ نے طبیعت خراب ہونے پر طبی امداد طلب کی لیکن انتظامیہ کی طرف سے انکار کر دیا گیا: بیٹی عالیہ حمزہ ملک
سیکرٹری جنرل پاکستان تحریک انصاف وسابق وفاقی وزیر عمر ایوب خان نے سماجی رابطوں کی ویب سائٹ ٹوئٹر پر عالیہ حمزہ کی بیٹی کا پیغام شیئر کرتے ہوئے لکھا کہ: عالیہ حمزہ ملک کی بیٹی نے دل دہلا دینے والا پیغام دیا ہے! عالیہ حمزہ ملک پی ٹی آئی کی حقیقی آزادی کی تحریک کیلئے کام کرنے والی ہماری ایک انتہائی بہادر ساتھی ہیں جو اس وقت بھی ثابت قدمی اور استقامت کے ساتھ جیل کاٹ رہی ہیں۔
انہوں نے لکھا کہ عالیہ حمزہ ملک کی بیٹی نے پیغام دیا ہے کہ چند دن قبل جیل کے انتہائی خراب حالات میری والدہ کی طبیعت انتہائی ناساز ہو گئی تھی جس کی وجہ ان کے دل کی دھڑکن انتہائی تیز ہو گئی تھی۔ انہوں نے طبیعت خراب ہونے پر طبی امداد طلب کی لیکن انتظامیہ کی طرف سے انکار کر دیا گیا۔
عالیہ حمزہ کی بیٹی نے بتایا کہ ان کی والدہ کی صحت بہت بگڑ گئی تھی اور ایک دن پہلے وہ ہوش وحواس کھو بیٹھی تھیں اور گر گئی تھیں جس کی وجہ سے ان کے سر کے پچھلے حصے سے خون بہہ نکلا اور ان کے کندھے اور بازو پر بائیں جانب چوٹیں آئی ہیں۔ 24 گھنٹے گزر چکے ہیں لیکن انہیں ابھی تک طبی امداد نہیں دی جا رہی۔ ہمیں میڈیا کے تعاون کی اشد ضرورت ہے، 42 دن سے وہ جیل میں قید ہیں اور بدترین حالات کا سامنا کر رہی ہیں۔
علاوہ ازیں ایک اور پیغام میں عمر ایوب خان نے ایم این اے احسان ٹوانہ کے فارم پر پولیس چھاپے اور ان کے منیجر گرفتار کرنے پر مذمت کرتے ہوئے لکھا کہ: قانون کی حکمرانی نہ ہونے کے باعث ہم ایک بنانا ریپبلک بن چکے ہیں اور پھر حکومت حیرانی کا اظہار کرتی ہے کہ پاکستان میں کوئی سرمایہ کاری کیوں نہیں کرنا چاہتا۔ اس امپورٹڈ فاشسٹ حکومت کام نہیں کرے گی، ان کا مقصد صرف پی ٹی آئی کو فکس کرنا ہے لیکن پی ٹی آئی مستحکم ومضبوط ہے۔
یاد رہے کہ سابق وزیراعظم وچیئرمین پاکستان تحریک انصاف عمران خان کی گرفتاری کے بعد ملک بھر میں پی ٹی آئی رہنمائوں وکارکنوں کی گرفتاری کیلئے چھاپے مارے گئے تھے جس میں سابق رکن قومی اسمبلی عالیہ حمزہ کو بھی ان کی رہائش گاہ سے گرفتار کیا گیا تھا۔ عالیہ حمزہ کو گرفتار کیے ہوئے 42 دن ہو چکے ہیں، آج بھی انسداد دہشت گردی عدالت میں ان کی درخواست ضمانت پر سماعت ہوئی تھی۔
- Featured Thumbs
- https://www.siasat.pk/data/files/s3/9luaattahaambenant.jpg
by faking illness, AZ was supposedly ill but he isn't ill since back in power. SS was dying from cancer but was happy to play badminton when back in power. Haraami sharam karoo
