روس اور یوکرین کے درمیان کشیدگی کے بعدعالمی منڈی میں خام تیل کی قیمتیں 14 سال کی بلند ترین سطح پہنچ گئی ہیں۔
خبررساں ادارے کی رپورٹ کے مطابق یوکرین پر حملے کے بعد یورپی ممالک کی جانب سے روس کے تیل و گیس کی درآمدات پر ممکنہ پابندی کے اعلان سے آئل مارکیٹ میں ایک بھونچال آگیا ہے۔
تازہ ترین صورتحال پر نظر ڈالی جائے تو عالمی مارکیٹ میں اس وقت خام تیل کی قیمت9اعشاریہ39 فیصد اضافے کے بعد 129 اعشاریہ29 ڈالر فی بیرل کی سطح پر پہنچ گیا ہے۔
اسی طرح امریکی بینچ مارک ڈبلیو ٹی او کی فی بیرل قیمت میں 8 فیصد تک اضافہ ہوا ہے جس کے بعد یہ قیمت 125 ڈالر فی بیرل تک پہنچ چکی ہے۔
رپورٹ کے مطابق امریکہ یورپ اور دیگر مغربی ممالک کی جانب سے عائد کی گئی اقتصادی پابندیوں کے بعد روسی کی آئل درآمدات میں 60 فیصد کمی واقع ہوگئی ہے۔
- Featured Thumbs
- https://www.siasat.pk/data/files/s3/crude-oil111h12.jpg
