اداکار شان شاہد نے مائیکروبلاگنگ ویب سائٹ ٹوئٹر پر ایک ٹوئٹ کیا جس کے جواب میں صحافی سرال المیڈا نے طنز کیا اور پاک فوج کے شعبہ تعلقات عامہ کو نشانہ بنایا۔ اس کے جواب میں اداکار نے ترکی بہ ترکی جواب دیا جس سے صحافی کی بولتی بند ہو گئی۔
تفصیلات کے مطابق پاکستان فلم انڈسٹری کے بڑے اسٹار شان شاہد نے گزشتہ روز ٹوئٹر پر ایک ٹوئٹ شیئر کیا جس میں انہوں نے ڈی جی آئی ایس پی آر کو ٹیگ کرتے ہوئے لکھا کہ ہم ہمیشہ اپنے ثقافتی محاذ پر بھی ملک کی حفاظت کریں گے۔
اداکار نے کہا کہ اب وقت آ گیا ہے کہ دشمن کے مذموم مقاصد کو سینما انڈسٹری کی مدد سے خاک میں ملائیں اور اس کے ان حملوں کا اسی طرح جواب دیا جائے۔
اس ٹوئٹ کے جواب میں صحافی سرال المیڈا نے جواب دیا جو انہیں کے گلے پڑ گیا۔ انہوں نے کہا کہ ہمیں وقتاً فوقتاً یاد دہانی کرائی جاتی ہے کہ آئی ایس پی آر انٹرٹینمنٹ انڈسٹری کا بڑا کھلاڑی بن چکا ہے۔
اس ٹوئٹ کے جواب میں اداکار شان شاہد نے سرال المیڈا ہی کی زبان میں ترکی بہ ترکی جواب دیا کہ وقتاً فوقتاً یاد دہانی کرائی جاتی ہے کہ کچھ صحافی سیاسی میدان کے بڑے کھلاڑی بنے بیٹھے ہیں۔
انہوں نے سرال المیڈا کی وہ تصویر شیئر کی جس میں وہ نواز شریف کے ہمراہ بیٹھے کھانے سے لطف اندوز ہو رہے ہیں۔
- Featured Thumbs
- https://i.ibb.co/jgKWrbX/1.jpg
