صبا قمر کو یونیسیف نے پاکستان میں پہلی دفعہ بچوں کے حقوق کی سفیر مقرر کر دیا
جہاں کہیں بھی جائوں گی تو بچوں کے حقوق اور ان کی فلاح وبہبود کیلئے کام کرتی رہوں گی: صبا قمر
پاکستان ڈرامہ وفلم انڈسٹری کی معروف اداکارہ صبا قمر کو پاکستان میں پہلی بار یونیسیف کی طرف سے بچوں کے حقوق کی قومی سفیر تعینات کر دیا گیا ہے۔ ذرائع کے مطابق اقوام متحدہ کے دنیا بھر میں بچوں کی فلاح بہبود کے لیے کام کرنے والے ادارے یونیسیف کی طرف سے پاکستان میں پہلی دفعہ پاکستان ڈرامہ وفلم انڈسٹری کی معروف اداکارہ صبا قمر کو بچوں کے حقوق کی قومی سفیر تعینات کر دیا گیا ہے۔
صبا قمر نے سماجی رابطوں کی ویب سائٹ انسٹاگرام پر بچوں کے ساتھ گزارے گئے خوبصورت لمحات کی تصاویر شیئر کرتے ہوئے کہا کہ اس ہفتے کے دوران کچھ حیرت انگیز لوگوں سے ملاقات کا موقع ملا جن سے کچھ شاندار تجربات ہوئے، آپ لوگوں کو سنانے کے لیے میرے پاس بہت سی کہانیاں ہیں! جو جلد سامنے لاؤں گی!
صبا قمر نے یونیسیف کے پلیٹ فارم سے بچوں کے حقوق اور ان کی فلاح وبہبود کے لیے کام کرنے کے عزم کا اعادہ کرتے ہوئے بین الاقوامی ادارے کا شکریہ بھی ادا کیا۔ میں جہاں کہیں بھی جائوں گی تو بچوں کے حقوق اور ان کی فلاح وبہبود کے لیے مشترکہ عزم کی حمایت میں کام کرتی رہوں گی۔
Login • Instagram
Welcome back to Instagram. Sign in to check out what your friends, family & interests have been capturing & sharing around the world.
www.instagram.com
واضح رہے کہ اقوام متحدہ کے بچوں کے حقوق کیلئے کام کرنے والے ادارے یونیسیف نے پاکستان میں پہلی دفعہ بچوں کے حقوق کیلئے قومی سفیر کی تعیناتی کا اعلان کیا ہے۔ صبا قمر ملکی وعالمی سطح پر بچوں کے حقوق کی سفیر کے طور پر یونیسیف کے تحت مختلف پلیٹ فارمز سے ان کے مسائل اجاگر کریں گی۔ صبا قمر ماضی میں بھی خواتین اور بچوں پر تشدد اور ان کے استحصال کے خلاف اپنے ڈراموں اور سوشل میڈیا پوسٹوں کے ذریعے آواز بلند کرتی رہی ہیں۔
- Featured Thumbs
- https://www.siasat.pk/data/files/s3/saba-qamr-un-pak.jpg
