مسلم لیگ ن کے صدر میاں شہباز شریف کے کاغذات نامزدگی کی منظوری کے خلاف پی ٹی آئی کی اپیل مسترد کردی گئی ہے۔
تفصیلات کے مطابق مسلم لیگ ن کے صدر میاں شہباز شریف کے کاغذات نامزدگی میں انوکھا انکشاف ہوا ہے جس کے مطابق 14 کنال کی زمین کی قیمت محض 35 ہزار روپے بتائی گئی ہے۔
پی ٹی آئی کے وکیل کا کہنا ہے کہ انہوں نے اپنے کاغذات نامزدگی میں 14 کنال اراضی کی قیمت 35 ہزار روپے ہے، میں تو اس زمین کیلئے 70ہزار روپے دینے کیلئے تیار ہوں وہ یہ اراضی مجھے دیدیں۔
سینئر صحافی صدیق جان نے اس معاملے پرردعمل دیتے ہوئے کہا کہ مری، قصور اور شیخوپورہ میں زمینیں اتنی سستی ہیں؟ کسی نے بتایا نہیں، 35ہزار روپے میں 14 کنال کی اراضی؟ کوئی ہمیں بھی اتنے پیسوں میں اتنی زمین لے دے۔
پی ٹی آئی رہنما اور سابق ترجمان وزارت خزانہ مزمل اسلم نے کہا کہ نواز شریف نے گزشتہ تین سال8ہزار 500 روپے ٹیکس جمع کروایا، جبکہ شہباز شریف بےروزگار ہیں، کاغذات نامزدگی کے مطابق اتنے مسکین بھائی پورےپاکستان میں نہیں ہیں۔
صحافی شاہد حسین نےکراچی سے شہباز شریف کے کاغذات نامزدگی چیلنج کرنے والے بیرسٹر مسعود خان مندوخیل کا بیان شیئر کیا جس میں ان کا کہنا تھا کہ کاغذات نامزدگی کے مطابق شہباز شریف کوئی کاروبار نہیں کرتے جبکہ اسمبلی سے تنخواہ و دیگر مراعات بھی نہیں لیتے، اگر واقعی ایسا ہے تو پھر وہ کھاتے کیسے ہیں؟پوری مشینری اور پوری سرکار اس لاڈلے کی ہے۔
