پاکستان کرکٹ ٹیم کے فاسٹ بائولر شاہین آفریدی نے یارکر سے افغانستان کے اوپننگ بلے باز کو ہسپتال پہنچا دیا۔
تفصیلات کے مطابق ٹی ٹوینٹی ورلڈکپ کی تیاریوں کے لیے برسبین میں افغانستان اور پاکستان کے درمیان کھیلا جانے والا ٹی ٹونٹی ورلڈ کپ کا دوسرا وارم اپ میچ بارش کی وجہ سے بے نتیجہ ختم ہو گیا۔ پاکستان کرکٹ ٹیم کے خلاف وارم اپ میچ کھیلتے ہوئے افغانستان کے اوپننگ بلے باز رحمن اللہ گرباز زخمی ہو گئے۔
پاکستان کرکٹ ٹیم کے فاسٹ بائولر شاہین آفریدی نے وارم اپ میچ میں بہترین سوئنگ بائولنگ کرتے ہوئے پہلے ہی اوور کی پانچویں گیند پر بہترین یارکر سے افغانستان کے اوپننگ بلے باز کو پویلین واپسی کے ساتھ ساتھ ہسپتال پہنچا دیا۔
افغانستان کے اوپننگ بلے باز رحمن اللہ گرباز کو انجری کے بعد فوری طور پر طبی امداد دی گئی اور اس خدشے پر کہ پیر میں فریکچر ہے انہیں سکین کرنے کے لیے ہسپتال پہنچا دیا گیا لیکن رحمن اللہ کی رپورٹس کلیئر آئیں اور سماجی رابطوں کی ویب سائٹ ٹویٹر پر افغانستان کرکٹ بورڈ کے آفیشل پیج سے تصدیق کی گئی کے رحمن اللہ گرباز کو فریکچر نہیں ہے۔
افغانستان کرکٹ بورڈ کے مطابق 2 دنوں بعد رحمن اللہ بازگر کی انجری کا جائزہ لیں گے اور امید ہے کہ وہ ہفتے کے روز انگلینڈ کے خلاف کھیلے جانے والے میچ سے پہلی ہی فٹ ہو جائیں گے۔
واضح رہے کہ وارم اپ میچ میں افغانستان کی طرف سے دیئے گئے ہدف 155 رنز کے تعاقب میں پاکستان نے 2.2 اوورز 19 رنز ہی بنائے تھے کہ بار شروع ہو گئی جس کے باعث میچ کو بغیر نتیجے کے ختم کرنا پڑا۔افغانستان کے خلاف ٹاس جیت کر قومی ٹیم نے فیلڈنگ کا فیصلہ کیا تھا افغانستان نے پہلے کھیتے ہوئے 6 وکٹ کے نقصان پر 154 رنز بنائے تھے جبکہ افغانستان کی طرف سے کپتان محمد نبی 37 گیندوں پر 51 اور عثمان غنی 32 رنز بنانے میں کامیاب ہوئے۔
- Featured Thumbs
- https://www.siasat.pk/data/files/s3/10shaheenafridiyorker.jpg
