گزشتہ روز جہلم جلسے کے دوران عمران خان نے تقریر کے دوران لفافہ صحافیوں پر تنقید کی جس میں انکا کہنا تھا کہ اخباروں کے اندر کمپین چل رہی ہے، فرینڈلی میڈیا، لفافے والے صحافی، ایک میڈیا ہاؤس جو ہمیشہ پیسے لیکر چوروں کا تحفظ کرتا ہے۔
اپنے خطاب کے دوران عمران خان کا مزید کہنا تھا کہ یہ کہہ رہے ہیں کہ اس وقت سیاست نہیں کرنی چاہئے، جلسے نہیں کرنے چاہئے، لفافو! کان کھول کر سن لو، ضمیر فروش صحافیو! سن لو! میں سیاست نہیں کررہا، میں حقیقی آزادی کی جنگ لڑرہا ہوں۔
عمران خان نے اپنے خطاب میں کسی چینل یا صحافی کا نام نہیں لیا تھا لیکن احسن اقبال اسے جیو ٹی وی سمجھ بیٹھے اور عمران خان 2010 میں جیو کے تعاون کی گئی ٹیلی تھون سےمتعلق ٹویٹ کردی ۔
یادرہے گزشتہ روز سابق وزیراعظم عمران خان نے ملک میں بدترین سیلاب سےمتاثر ہونےوالے لوگوں کی بحالی کیلئے امدادی کارروائیوں میں حصہ لینے کا اعلان کرتے ہوئے بین الاقوامی ٹیلی تھون کا اعلان کیا تھا۔
عمران خان کی مخصوص چینل پر تنقید اور فنڈریزنگ کے فیصلے پر ردعمل دیتے ہوئے احسن اقبال 2010 میں عمران خان اور جیو/جنگ گروپ کے مالک میر خلیل الرحمان فاؤنڈیشن کی جانب سے مشترکہ طور پر اس وقت کے سیلاب سے متاثرہ افراد کی بحالی کیلئے کی جانے والی ٹیلی تھون کی تفصیلات سامنے لےآئے۔
عمران خان اور میر خلیل الرحمان کی اس فنڈ ریزنگ مہم کو "پکار" کا نام دیا گیا تھا اور اس ٹیلی تھون کے دوران 1ارب روپے سے زائد کے عطیات اکھٹے کیے گئے تھے۔
احسن اقبال نے یہ تفصیلات شیئرکرتے ہوئے کہا کہ2010 میں عمران نیازی نے ان کا کاندھا استعمال کر کے جنہیں آج وہ برا بھلا کہتا ہے اربوں روپے سیلاب ذدگان کے نام پہ جمع کئے اور وعدہ کیا کہ وہ لاکھوں مکان بنائے گا، کھاد بیج کسانوں میں تقسیم کرے گا۔
احسن اقبال نے کہا کہ مگر آج تک کسی نے نا وہ مکان دیکھے نہ ہی کسی غریب کو کھاد اور بیج نصیب ہوئے۔
سوشل میڈیا صارفین بھی احسن اقبال کو جواب دینے میں پیچھے نہ رہے اور کہا کہ کبھی کہتے ہو کہ سیلاب ہے سیاست چھوڑو اور خود ہی سیاست کرنا شروع کردیتے ہو،آپ کو فکر یہ نہیں کہ ان کو برا کہہ رہا ہے آپ کو فکر ہے یہ لوگ ہم سے زیادہ خان صاحب پہ اعتماد کیوں کر رہے ہیں۔۔
اس موقع پر سوشل میڈیا صارفین نے 2010 میں جمع ہونیوالی رقم سے متعلق تفصیلات بھی شئیر کیں کہ یہ پیسہ کہاں کہاں خرچ ہوا۔
