روس یوکرین تنازع، عالمی منڈی میں خام تیل کی قیمت کو آگ لگ گئی
روس یوکرین تنازع کے باعث عالمی منڈی میں تیل کی قیمتوں میں مسلسل اضافہ ریکارڈ کیا جارہا ہے، جس نے غریب ممالک کو مہنگائی کی چکی میں پیس دیا۔
روسی صدر پیوٹن نے آج اپنے خطاب میں یوکرائن میں فوجی آپریشن کا اعلان کیا تو عالمی منڈی میں خام تیل کی قیمتیں ایک بار پھر 100 ڈالر سے بھی اوپر پہنچ گئیں۔
خیال رہے کہ روسی صدر نے آج یوکرین میں فوجی آپریشن کا اعلان کردیا ہے۔ روس کے صدرولادی میرپیوٹن نے ٹیلی ویژن سے خطاب میں کہا کہ روس کویوکرین کی جانب سے لاحق خطرات کے باعث یوکرین میں فوجی کارروائی کی جائے گی۔
روسی صدرنے الزام عائد کیا کہ امریکا اوراس کے اتحادیوں نے روس کے اس مطالبے کونظرانداز کیا کہ وہ یوکرین کو نیٹو کا حصہ بننے سے روکیں اوراس سلسلے میں ماسکوکوسیکورٹی گارنٹی دی جائے۔
صدرپیوٹن کا مزید کہنا تھا کہ یوکرین میں فوجی آپریشن کا مقصد یوکرین کو ڈی ملٹرائز کرنا ہے۔ یوکرین کے جوفوجی ہتھیارڈال دیں گے انہیں محفوظ علاقوں میں جانے کی اجازت دے دی جائیگی۔
- Featured Thumbs
- https://www.siasat.pk/data/files/s3/putin1121.jpg
