یہ اخباری مالکان کی نگہبانی کرنے والا پیکیج ہے ، چاہے یہ مالکان ورکرز کو تنخواہیں دے یا نہ دیں! : جواد رضوی
وزیراعلیٰ پنجاب مریم نوازشریف کے نگہبان رمضان پیکیج کے تحت ملک بھر کے بینظیر انکم سپورٹ پروگرام میں رجسٹرڈ مستحق گھرانوں میں راشن بیگز کی تقسیم کا عمل جاری ہے۔
رمضان نگہبان پیکیج کی تشہیر کے لیے ملک کے مختلف قومی اخباروں میں کروڑوں روپے کے سرکاری اشتہارات چھاپے جا رہے ہیں جس پر قائد مسلم لیگ ن میاں محمد نوازشریف کی تصویر چھاپی جا رہی ہے۔ سرکاری اشتہارات پر نوازشریف کی تصویر چھپنے پر سوشل میڈیا صارفین کی طرف سے شدید ردعمل دیا جا رہا ہے۔
سینئر صحافی محسن بلال نے سماجی رابطوں کی ویب سائٹ ایکس (ٹوئٹر) پر سرکاری اشتہارات کی تصویر شیئر کرتے ہوئے اپنے پیغام میں لکھا: کوئی پوچھنے والے ہے ان کو؟ نگہبان رمضان پیکیج کیلئے سرکاری اشتہارات مگر تصویر اس پر نواز شریف کی! اخبارات میں کروڑوں روپے کے اشتہارات دیکھ لیں، قوم کا پیسہ مریم نواز اپنے والد کی تشہیر کیلئے استعمال کر رہی ہیں۔
سینئر صحافی خرم اقبال نے لکھا: نگہبان رمضان پیکیج کی اشتہار بازی عروج پر۔۔!!
ڈاکٹر ضیا خان نے لکھا: فارم 47 کی وزیراعلیٰ مریم صفدر نے غریب عوام کے 7 ارب روپے صرف رمضان پیکیج نگہبان نواز شریف والی تصویر کے اشتہارات کی مد میں ضائع کر دیے جس سے 3 لاکھ 50 ہزار خاندانوں کو ایک ماہ کا راشن دیا جا سکتا تھا ! اسلام تو کہتا ہے کہ مستحق تک اس کا حق ایسے پہنچاؤ کہ کسی کو خبر بھی نہ ہو اور، اللہ کے ہاں وہ نیکی بہت معتبر ہے جس کا گواہ صرف اللہ ہو !
ذوالقرنین کھرل نے لکھا: موجودہ دور حکومت میں مُلک ترقی کرے یا نہ کرے، میڈیا خوب ترقی کرے گا اورمیڈیا مالکان اور صحافیوں کے امیر ہونے کا وقت ہوا چاہتا ہے۔
سینئر صحافی شاکر محمود اعوان نے لکھا:دیکھ لینا کہیں ایسا نہ ہو کہ رمضان پیکیج سے زیادہ اشتہارات پر خرچ کردئیے جائیں!
سینئر صحافی جواد رضوی نے لکھا: یہ اخباری مالکان کی نگہبانی کرنے والا پیکیج ہے ، چاہے یہ مالکان ورکرز کو تنخواہیں دے یا نہ دیں! ورکرز استحصال جاری رکھیں اور نواز شریف کی تصویر والے اشتہارات چھاپتے رہیں!
معروف قانون دان میاں دائود نے لکھا:نواز شریف کی تصویر لگانا بھی سپریم کورٹ کے فیصلے کی خلاف ورزی اور راشن پیکیج جیسی سکیموں کو بطور کارکردگی دکھانے کیلئے ٹی وی چینلز یا اخبارات کو کروڑوں روپے کی اشتہاراتی رشوت دینا میڈیا کی لوٹ مار کو فروغ دینے اور قرضوں میں ڈوبے ملک کے غریب عوام کا مذاق اڑانے کے مترادف ہے!
احسان احمد نے لکھا:ایک طرف سے یہ ڈرامہ لگایا جارہا ہے کہ مریم نواز نے تنخواہیں لینے سے انکار دیا پھر دوسری طرف اپنے باپ کی پروموشن لگا کر اپنی کسر پوری کررہی ہے!
فرینہ ملک نے لکھا:خدمت کا آغاز آدھے صفحے کے اشتہارات سے؟ خدمت؟ کس کی؟ بکاؤ میڈیا کی؟ استعمال شدہ نورے کو لندن پہنچاؤ، اودا تماشہ مک گیا ہے!! پہلے ایک بھٹو نہیں مر رہا تھا اب یہ نورا کبوتر بھی قوم کے متھے لگ گیا ہے۔
- Featured Thumbs
- https://www.siasat.pk/data/files/s3/6nngaggaaisikajsks.png
