دہشت گردوں کا سوات میں پولیس چیک پوسٹ پر حملہ، ایک پولیس اہلکار شہید
سوات میں پولیس چیک پوسٹ پر دہشت گردوں نے حملہ کیا ہےجس میں ایک پولیس اہلکار شہید ہوگیا ہے۔
تفصیلات کے مطابق افسوسناک واقعہ سوات میں مٹہ کے علاقےسمبٹ میں پیش آیا جس میں دہشت گردوں نے ایک پولیس چیک پوسٹ کو نشانہ بنایا۔
پولیس کا کہنا ہے کہ حملہ ہونے پر پولیس نے جوابی کارروائی کی جس پر دہشت گرد موقع سے فرار ہونے میں کامیاب ہوگئے۔
حملے میں ایک پولیس اہلکارزخمی ہوا جس کو فوری طور پر اسپتال منتقل کردیا گیا، اسپتال میں دوران علاج پولیس پولیس اہلکار زخموں کی تاب نا لاتے ہوئے دم توڑ گیا۔
