پاکستانی عوام جہاں بجلی کے بھاری بھرکم بل بھر بھر کے آدھے ہوچکے ہیں وہیں دنیا میں کچھ ایسے ممالک بھی جہاں شہریوں کو خوش نصیب کہا جائے تو غلط نہ ہوگا, ان ممالک کی فہرست میں ایران سر فہرست ہے۔
ایران میں بجلی کی دنیا میں سب سے سستی قیمت 0.002 ڈالر فی کلو واٹ ہے۔ ایران میں توانائی زیادہ تر ریاست کے زیر کنٹرول ہے یعنی حکومت مارکیٹ کے اثر و رسوخ کے بغیر بجلی کی قیمتیں مقرر کر سکتی ہے۔ حکومت بجلی کی قیمتوں پر بھاری سبسڈی بھی فراہم کرتی ہے۔
حال ہی میں ایرانی حکومت نے اپنی کُل آمدنی کا 19 فیصد جی ڈی پی صرف توانائی کے شعبے پر لگایا تھا۔
فہرست میں دوسرا نمبر شام کا ہے, شام میں بجلی کی قیمت0.003 ڈالر فی کلو واٹ گھنٹہ ہے,یہاں بھیتوانائی کا شعبہ بڑی حد تک حکومت کے زیر کنٹرول ہے، اس لیے قیمتیں مقرر کی جاسکتی ہیں۔
کیوبا میں مشترکہ طور پر تیسری سب سے سستی بجلی ہے، جس کی لاگت 0.006 ڈالر فی کلو واٹ ہے۔
سوڈان میں بھی بجلی 0.006 ڈالر فی کلو واٹ ہے۔ اس ملک میں بھی توانائی کا شعبہ ریاستی کنٹرول میں ہے جس کی وجہ سے حکومت بغیر کسی رکاوٹ کے قیمتیں طے کر سکتی ہے۔ ملک کے پاس تیل اور قدرتی گیس سمیت وسائل کی فراوانی ہے۔
ایتھوپیا سستی ترین بجلی فراہم کرنے والے ممالک میں پانچویں نمبر پر ہے,اس فہرست میں شامل دیگر ممالک کی طرح، ایتھوپیا کی حکومت بھی بجلی کی قیمتوں میں اچھی خاصی سبسڈی دیتی ہے، تاکہ وسیع تر آبادی کے لیے بجلی کو مزید قابل رسائی بنایا جا سکے,قدرتی وسائل، حکومتی پالیسیاں اور معاشی استحکام جیسے عوامل بجلی کی قیمت اور دستیابی کو متاثر کر سکتے ہیں۔
کچھ ممالک میں بجلی دوسروں کے مقابلے میں نمایاں طور پر انتہائی سستی ہوتی ہے۔ اس سے معیشت کو فروغ دینے، صنعت کی حوصلہ افزائی کرنے اور وہاں رہنے والوں پر مالی مشکلات کو کم کرنے میں مدد مل سکتی ہے۔
- Featured Thumbs
- https://www.siasat.pk/data/files/s3/enrgh113.jpg
