حکومت پاکستان نے تین مالیاتی اداروں کو ایک ارب 75 کروڑ ڈالر قرض فراہم کرنے کیلئے درخواستیں دیدی ہیں۔
تفصیلات کے مطابق وزارت خزانہ نے اسلامی ترقیاتی بینک، اسلامک ٹریڈ فنانس کارپوریشن اور اسٹینڈرڈ چارٹرڈ بینک کو مجموعی طور پر ایک ارب 75 کروڑ ڈالر قرضے فراہم کرنے کیلئے درخواستیں دیدی ہیں۔
حکومتی ذرائع کا کہنا ہے کہ ان قرضوں کو ضروری اشیاء کی خریداری اور بنیادی ڈھانچے کی ترقی پر خرچ کیا جائے گا۔
وزارت خزانہ نے اسلامک ٹریڈ فنانس کارپوریشن سے اہم اشیاء کی خریداری کیلئے 40 کروڑ روپے مانگے گئے جبکہ اسلامی ترقیاتی بینک سے پروجیکٹ فنانسنگ کیلئے 35 کروڑ کے قرض کیلئے درخواست دی گئی ہے۔
حکومت نے بنیادی ڈھانچے کے منصوبوں کیلئے اسٹینڈر ڈ چارٹرڈ بینک سے ایک ارب ڈالر قرض کیلئے درخواست دی ہے، تینوں مالیاتی اداروں کی جانب سے طویل مدتی ادائیگی اور پانچ فیصد شرح سود کے ساتھ قرضے فراہم کیے جانے کاامکان ہے۔
- Featured Thumbs
- https://www.siasat.pk/data/files/s3/loanah1h11.jpg
