سابق وزیراعلیٰ خیبرپختونخوا پرویز خٹک نے گزشتہ روز ڈیرہ اسماعیل خان میں جلسہ کیا، اس جلسے میں پرویز خٹک کو ڈیرہ اسماعیل خان سرکاری پروٹوکول میں لایا گیا لیکن جلسہ بری طرح ناکام رہا۔
پرویز خٹک کے صاحبزادے اسحاق خٹک نے ایک ویڈیو شئیر کی جس میں دیکھا جاسکتا ہے کہ پرویز خٹک کا قافلہ آرہا ہے اس قافلے میں آگے پیچھے پولیس کی گاڑیاں تھیں۔
رضوان غلیزئی نے اس پر تبصرہ کرتے ہوئے کہا کہ غداری کے کیسز سے سرکاری پروٹوکول تک کا فاصلہ صرف ایک پریس کانفرنس کا ہے۔
تمام تر حکومتی سرپرستی کے باوجود پرویز خٹک کا جلسہ بری طرح فلاپ رہا اور خالی کرسیوں کا سمندر نظر آیا۔
پی ٹی آئی رہنما فیصل امین گنڈاپور نے جلسے کی ویڈیو شئیر کرتے ہوئے کہا کہکھٹمل پارٹی کا لوٹا محمود خان ڈیرہ اسماعیل خان میں "لاکھوں لوگوں" سے تین کنال کے پلاٹ میں خطاب کر رہا ہے۔ شرم تم کو مگر نہیں آتی۔ ڈی آئی خان عمران خان اورتحریک انصاف کا گڑھ تھا، ہے اور رہے گا.
پرویز خٹک کی آمد سے قبل شہر میں استقبالیہ بینرز لگائے گئے لیکن مقامی لوگوں نے ان بینرز پر لوٹے لٹکادئیے
خیال رہے کہ ڈیرہ اسماعیل خان تحریک انصاف کے علی امین گنڈاپور اور جے یو آئی ف کے مولانا فضل الرحمان کا آبائی شہر ہے، علی امین گنڈاپور نے الیکشن 2018 میں اس شہر سے مولانا فضل الرحمان کو شکست دی تھی جبکہ دوسری سیٹ پر تحریک انصاف کے شیخ یعقوب منتخب ہوئے جو بعدازاں منحرف ہوکر پرویز خٹک سے جاملے۔
- Featured Thumbs
- https://www.siasat.pk/data/files/s3/sarik111h1h.jpg
