ٹوئٹر پیغام میں وفاقی وزیر توانائی حماداظہر نے کہاکہ کسان بھائی جو شمسی توانائی کے ساتھ ٹیوب ویل چلاتے ہیں ان کے لئے بڑی خوشخبری ہے۔
حماداظہر کا کہنا تھا کہ اب آپ نیٹ میڑرنگ کی سہولت استعمال کریں اور جن دنوں ٹیوب ویل چلانے کی ضرورت نہیں، اُن دنوں میں بجلی پیدا کر کے حکومت کے سسٹم میں ڈالیں اور اپنے بل کی رقم میں کمی لائیں۔
ان کا کہنا تھا کہ یہ سہولت پورے پاکستان میں میسر ہے۔
اپنے ایک اور ٹوئٹر پیغام میں وفاقی وزیر توانائی حماد اظہر نے کہا ہے کہ بین الاقوامی سطح پر ایل این جی گیس کی قیمت 60 ڈالر فی ایم ایم بی ٹی یو تک آگئی ہے۔
مائیکروبلاگنگ ویب سائٹ ٹویٹر پر اپنےایک پیغام میں حماد اظہر نے کہا کہ ایل این جی سپاٹ کارگوز کی بین الاقوامی سطح پر قیمتوں میں تیزی سے تبدیلی دیکھی جارہی ہے ۔
انہوں نے کہا تاہم پاکستا ن کے 9 سے 10 کارگوز مارچ میں پاکستان آنے ہیں جو ساڑھے 14 ڈالر فی ایم ایم بی کے حساب سے طویل مدتی اور سپاٹ کارگوز کے معاہدوں کے تحت خریدے گئے، یہ 2 طویل مدتی کارگوز کے معاہدوں کے علاوہ ہیں۔
حماد اظہر نے کہا کہ پاکستان تحریک انصاف کی جانب سے کیے گئے معاہدوں میں سب سے مطابقی سودے کیے گئے، مارچ میں جو دو ڈیفالٹ کارگوز آنے ہیں ان کے معاہدے ن لیگ کے دور میں کیے گئے ، 22 فروری کو آخری سودا 25 ڈالر فی ایم ایم بی یو پر کیا گیا آج قیمت 60 ڈالر فی ایم ایم بی یو تک پہنچ گئی ہے۔
- Featured Thumbs
- https://www.siasat.pk/data/files/s3/hammadhh11i21.jpg
