صوبائی دارالحکومت لاہور کے علاقے میں یتیم بچوں پر سوتیلے والد کا غیر انسانی تشدد، کمسن بہن بھائیوں پر ڈنڈے برسا دیے، جسم پر بلیڈ سے کٹ بھی لگائے گئے۔
ایکسپریس نیوز کے مطابق لاہور کے علاقے ٹاؤن شپ میں بچوں کی چیخ و پکار سن کر اہل علاقہ پہنچے اور پولیس کو اطلاع دی۔
محلہ داروں کے مطابق دونوں یتیم بہن بھائیوں کو سوتیلے والد نے مبینہ طور پر ڈنڈوں سے مارا اور جسم پر بلیڈ سے کٹ لگائے۔
دونوں بہن بھائی اپنے حقیقی والد اویس کے پاس اسلام آباد میں رہتے ہیں اور اپنی حقیقی والدہ سے ملنے لاہور آئے ہوئے تھے۔ اس دوران سوتیلے باپ نے انہیں بہیمانہ تشدد کا نشانہ بنایا۔
واقعے کے بعد متاثرہ بچوں کا سوتیلا والد کر فرار ہوگیا لیکن پولیس ملزم کو گرفتار کرنے میں کامیاب ہوگئی
پنجاب پولیس کے ترجمان کے مطابق بچوں پر تشدد کرنیوالا سوتیلا والد تھا اور بچے اپنی حقیقی والدہ سے ملنے آئے تھے۔
پولیس کے مطابق پولیس نے کارروائی کرتے ہوئے ملزم سرفراز کو گرفتار کرلیا۔دونوں بچے اپنی حقیقی والدہ کو ملنے اسلام آباد سے لاہور آئے تھے۔جس پر سوتیلے والد(خالو) نے تشدد کا نشانہ بنایا۔ ملزم کے خلاف قانونی کارروائی کا آغاز کردیا گیا ہے۔
بچوں کو طبی معائنے کے لیے اسپتال منتقل کرکے پولیس نے تحقیقات شروع کر دی ہیں۔
- Featured Thumbs
- https://www.siasat.pk/data/files/s3/haqi1h1h1i21.jpg
