جے یو آئی ف نے الیکشن میں دھاندلی کا الزام عائد کردیا،جمعیت علمائے اسلام کے رہنما راشد سومرو کا کہنا ہے کہ الیکشن میں بدترین دھاندلی کی جارہی ہے، ان کا اپنا ووٹ غائب ہے۔
ویڈیو پیغام میں راشد سومرو نے کہا کہ اپنی پرچی لے کر آیا ہوں ووٹ لسٹ میں ان کا نام نہیں ہے، پوری زندگی یہاں ووٹ دیا اور آج لسٹ میں ان کا نام ہی نہیں یہ الیکشن کی یہ شفافیت ہے۔
راشد سومر نے کہا کہ کسی بھی پولنگ اسٹیشن پر ان کا نام اور تصویر نہیں پتا نہیں کہاں سے ووٹ دیے اور نکال دیئے گئے ہیں،میری اپنی یونین کونسل میں ایسی زیادتی ہے تو دیگر جگہ پر کیا ہورہا ہوگا،عام ووٹرزبھی پچاس ڈگری سینٹی گریڈ میں یہاں سے وہاں اپنا ووٹ ڈھونڈ رہا ہوگا۔
رہنما جے یو آئی نے کہا کہ اپنے علاقے کے پولنگ اسٹیشن پر کھڑا ہوں جب بھی میں ووٹ دیا یہیں دیا آج ووٹ مل ہی نہیں رہا،عملہ میرا ووٹ ڈھونڈ ڈھونڈ کر تھک گیا ہے،اپنی مرضی کے آر و اور ڈی آر اوز اور پولنگ اسٹیشنز ہیں،ایسی جمہوریت پر لعنت ہو، ان کے کارکنان کو تشدد کا سامنا ہے،صورتحال باعث تشویش ہے۔
راشد سومر نے بلاول بھٹو زرادی کو پیغام دیا کہ آپ دھاندلی کے ذریعے ہی الیکشن جیت سکتے ہیں،دھاندلی کرنے کی کیا ضرورت تھی آپ کہہ دیتے دوہزار اٹھارہ کا ماحول ہے،میرا سوال الیکشن کمشنر سے ہے وہ بتائیں کہ میرا ووٹ کہاں ہے۔
