امریکی صدر جو بائیڈن کے دوبارہ الیکشن نہ لڑنے کا امکان مزید بڑھ گیا ہے۔
سینئر ڈیموکریٹ رہنما نے نجی ٹی وی سے گفتگو میں بتایا صدر جو بائیڈن کے دوبارہ الیکشن نہ لڑنے کا امکان 99 فیصد تک ہے۔انہوں نے مزید کہا کہ صدر جو بائیڈن انتخابات سے دستبردار ہونے سے متعلق بدھ تک فیصلہ کرلیں گے۔
دوسری جانب وائٹ ہاؤس اور بائیڈن کی انتخابی مہم نے دستبردار ہونے سے متعلق کوئی تصدیق نہیں کی, جو بائیڈن بضد ہیں کہ وہ دوبارہ الیکشن لڑیں گے,سابق صدر اوباما بھی بائیڈن پر واضح کرچکے کہ ان کی جیت کا امکان بہت کم ہے۔
ڈیموکریٹ رہنما اور سابق اسپیکر نینی پلوسی نے ایوان نمائندگان کے ڈیموکریٹ رہنماؤں کو آگاہ کردیا کہ جوبائیڈن کو ممکنہ طور پر جلد اس بات پر تیار کرلیا جائے گا کہ وہ دوبارہ صدارتی امیدوار بننے کی دوڑ سے باہر ہوجائیں, کیونکہ شدید خدشات ہیں کہ بائیڈن نومبر میں ہونے والے صدارتی الیکشن جیت نہیں سکیں گے.
نینسی پلوسی نے کیلی فورنیا کے ڈیموکریٹ اراکین سے واضح کردیا کہ ان کے خیال میں بائیڈن اس فیصلے پر پہنچنے کے قریب تر ہیں کہ صدارتی دوڑ سے باہر ہونا ہی بہتر ہوگا, بائیڈن کی انتخابی مہم کے مشیر نے کہا ہے کہ وہ اس بات پر سختی اختیار تو نہیں کرنا چاہتے مگر نہ جانے کتنی بار بتانا پڑے گا کہ جو بائیڈن واضح کرچکے ہیں کہ وہ الیکشن لڑیں گے اور انتخابی مہم آگے بڑھ رہی ہے۔
- Featured Thumbs
- https://www.siasat.pk/data/files/s3/bidnh111h2.jpg
