مسلم لیگ ن کے رہنما عطاء اللہ تارڑ نے کہا ہے کہ عمران خان نیازی نے جنرل باجوہ کو غیر آئینی اقدام کے بدلے پرکشش پیشکش کی تاہم انکار ہونے پر جھوٹے الزامات عائد کرنا شروع کردیئے۔
وزیراعظم کے معاون خصوصی عطاء تارڑ نے کہا ہے کہ سابق آرمی چیف جنرل قمر جاویدباجوہ کے ریٹائر ہوتے ہی پی ٹی آئی والوں نےجھوٹ اور منافقت کی انتہا کردی ہے۔
مائیکروبلاگنگ ویب سائٹ ٹویٹر پر اپنے ایک بیان میں وزیراعظم شہباز شریف کے معاون خصوصی عطاء اللہ تارڑ نے کہا کہ عمران نیازی جنرل باجوہ سے غیر آئینی طور پر تحریک عدم اعتماد کو روکنے کا تقاضا کرتے رہے، جب انکار ہوا تو جھوٹے الزامات پر اتر آئے۔
عطاء تارڑ نے کہا کہ آرمی چیف کو غیر آئینی مطالبے کو ماننے کے بدلے پرکشش پیشکش کی گئی،جنرل قمر جاوید باجوہ کے ریٹائر ہوتے ہی پی ٹی آئی والوں نے جھوٹ اور منافقت کی انتہا کردی ہے، انہیں شرم آنی چاہیے۔
