ممبئی: بھارتی ٹینس اسٹار ثانیہ مرزا کی نئے سال کے حوالے سے انسٹاگرام پوسٹ کے بعد اُن کی شعیب ملک سے علیحدگی کی افواہہیں مزید زور پکڑ گئیں۔
ثانیہ مرزا اور شعیب ملک کے درمیان 2022 میں طلاق کی خبریں گردش کرتی رہیں لیکن دونوں طرف سے کوئی ردعمل سامنے نہیں آیا۔
ایک ویب چینل کیلئے ثانیہ اور شعیب کے مشترکہ شو ’دی مرزا ملک شو‘ کے آغاز سے اس بات کو تقویت ملی کہ طلاق کی افواہیں غلط ہیں۔
تاہم اب اپنے مداحوں کو نئے سال کی مبارکباد دیتے ہوئے ثانیہ مرزا نے اپنی سیلفیاں شیئر کی ہیں جس میں ان کے ساتھ شعیب ملک موجود نہیں ہیں۔
ثانیہ مرزا نے اپنی انسٹاگرام پوسٹ میں کے کیپشن میں ایک ہیش ٹیگ بھی استعمال کیا ہے جس کا مطلب ہے کہ آپ سچ کو برداشت کرسکتے ہیں۔
ثانیہ مرزا نے اپنی انسٹاگرام پوسٹ میں لکھا کہ نئے سال کی مبارکباد دینے کیلئے میرے پاس کوئی تفصیلی اور بھرپور پوسٹ نہیں ہے لیکن کچھ اچھی سی سیلفیاں ضرور ہیں۔
واضح رہے کہ ثانیہ مرزا انسٹاگرام پر ایکٹیو رہتی ہیں، انہوں نے کئی ہفتوں سے متعدد انسٹاگرام پوسٹس کی ہیں لیکن کسی بھی پوسٹ میں شعیب ملک نظر نہیں آئے
خیال رہے کہ ثانیہ اس وقت دبئی میں ہیں جبکہ شعیب ملک پاکستان میں ٹی ٹوئنی 2022 ورلڈ کپ میں ایک چینل میں بحیثیت ماہر کے فرائض انجام دے رہے ہیں۔
شعیب ملک نے ’ایکسپریس ٹربیون‘ کو بتایا کہ وہ اور ثانیہ مرزا میڈیا کے دباؤ میں آکر اپنی ذاتی زندگی اور فیصلوں سے متعلق کوئی بات نہیں کریں گے۔
- Featured Thumbs
- https://www.siasat.pk/data/files/s3/sanimrh1h121.jpg
