تحریک انصاف کے کارکنوں پر غیرانسانی تشدد کے عالمی میڈیا پر بھی چرچے۔۔ 25 مئی کو کیا ہوا؟ الجزیرہ نے بتادیا
سوشل میڈیا پر الجزیرہ ٹی وی کی ایک ویڈیو وائرل ہوئی ہے جس میں الجزیرہ کا صحافی بتارہا ہے کہ پی ٹی آئی کارکنوں پر بدترین شیلنگ کی گئی اسکے باوجود کہ وہاں خواتین اور بچے موجود تھے۔
صحافی مزید بتاتا ہے کہ عمران خان کا قافلہ خیبرپختونخوا سے اسلام آباد کی طرف جارہا ہے، پولیس انہیں روکنے کی کوشش کررہی ہے ، جگہ جگہ رکاوٹیں کھڑی ہیں، بدترین شیلنگ کے باوجود کارکن بہت زیادہ چارجڈ ہیں اور رکاوٹیں ہٹارہے ہیں۔
صحافی کا کہنا تھا کہ اسکے باوجود کے تحریک انصاف کے لوگ گرفتار ہورہے ہیں، انہیں روکا جارہا ہے ، تحریک انصاف کے ہزاروں کارکن اسلام آباد میں جمع ہیں۔ ان پر آنسو گیس برسائی جارہی ہے لیکن انکا عزم بہت مضبوط ہے۔یہ لوگ بہت زیادہ کمٹڈ ہیں جبکہ عمران خان کی مقبولیت انکو ہٹانے کے بعد بہت زیادہ بڑھ گئی ہے۔
اس ویڈیو پر سوشل میڈیا صارفین کا کہنا تھا کہ یہ الجزیرہ رپورٹ کررہا ہے ،اے آروائی نہیں۔
انہوں نے مزید کہا کہ اس ظلم کی تحقیقات ہونی چاہیے اس پر عدالت کو ایکشن لینا چاہیے یہ مقبوضہ کشمیر فلسطین نہیں یہ پاکستان ہے یہ ظلم شرمناک اور بدترین تھا، ملک کی عالمی سطح پر بدنامی ہوئی ہے۔