تحریک انصاف کی گزشتہ روز لانچ کی گئی "رابطہ ایپ " کیا ہے؟

پی ٹی آئی چیئرمین اور سابق وزیراعظم عمران خان نے کہا ہے کہ چاہتا ہوں کہ نوجوان نسل پاکستان تحریک انصاف کی ممبر بنے۔ انہوں نے ملک بھر میں تحریک انصاف کی رکنیت سازی مہم کے حوالے سے رابطہ نامی ایپ کا آغاز کردیا ہے۔

رابطہ ایپ کی افتتاحی تقریب سے خطات میں عمران خان نے کہا کہ یہاں موروثی سیاست چل رہی ہے باپ وزیراعظم اور بیٹا وزیراعلیٰ بن گیا، میں چاہتا ہوں کہ تحریک انصاف وہ پارٹی بنے جس میں میرٹ ہو میں پی ٹی آئی کو ایسی پارٹی بنانا چاہتا ہوں جو ہمارے جانے کے بعد بھی چلتی رہے۔

انہوں نے کہا کہ چاہتا ہوں کہ نوجوان نسل پاکستان تحریک انصاف کی ممبر بنے، پی ٹی آئی رابطہ ایپ کے ذریعے آپ سب ممبرز بنیں، پوری ٹیم نے بڑی محنت سے ایپ بنائی ہے، جب ایپ لانچ کرینگے تو ایک دم لوڈ پڑے گا مسئلے بھی آئیں گے، پہلے نمبر پر ممبر شپ پھر تحریک انصاف کو ادارہ بنانے کی کوشش کریں گے۔

یہ ایپ گوگل پلے اسٹور سے ایپ ڈاؤن لوڈ کی جا سکتی ہے جس کے بعد آسان طریقے سے رجسٹریشن کے بعد ممبر بنا جا سکتا ہے۔

https://play.google.com/store/apps/details?id=com.syntecx.pti

ایپ میں پارٹی میٹنگز، پروگرامز،ممبر شپ کارڈ، الیکشن ، انٹرا پارٹی انتخابات، فنڈنگ اور سروے جیسے آپشنز دیئے گئے ہیں۔

ایپ سے متعلق بات کرتے ہوئے چیئرمین تحریک انصاف نے یہ بھی کہا کہ پی ٹی آئی رابطہ ایپ اوورسیز پاکستانیوں کیلئے بھی ہے، اوورسیز پاکستانی ہمیشہ سے پاکستان کا اثاثہ ہیں، لیکن موجودہ حکومت کوشش کررہی ہے کہ اوورسیز کسی طرح ووٹ نہ دیں۔