بھارت نے ٹی20 ورلڈکپ میں پاکستان کو 6 رنز سے شکست دے دی۔ پاکستانی ٹیم بھارت کو 119 رنز پر محدود کرنے میں کامیاب ہوگئی تھی اسکے پاکستان3 وکٹیں ہاتھ میں ہونے کے باوجود صرف 113 رنز ہی بنا سکا
پاکستان اس سے قبل ورلڈ کپ کے اپنے پہلے میچ میں امریکا کے ہاتھوں تاریخی عبرتناک شکست سے دوچار ہوچکا ہے، یہی وجہ ہے کہ پاکستانی ٹیم کے لیے سپر 8 مرحلے میں رسائی حاصل کرنا اب خاصا مشکل نطر آتا ہے۔
شائقین کرکٹ اس پر سیخ پا ہیں انکا کہنا تھا کہ جیتا ہوا میچ ہارنا کوئی پاکستانی ٹیم سے جیتے۔ شائقین کرکٹ نے اس ہار کاذمہ دار محسن نقوی اور وہاب ریاض کو ٹھہرایا اور کہا کہ محسن نقوی پارٹ ٹائم وزیرداخلہ اور پارٹ ٹائم چئیرمین پی سی بی ہیں۔
فیاض شاہ نے طنز کرتے ہوئے کہا کہ ورلڈ کپ اگر پاکستان میں ہوتا تو ہم نے میچ ختم ہونے سے پہلے ہی ایمپائر اور میچ ریفری کو اُٹھا لینا تھا جیسے الیکشن میں آر اوز کو اٹھایا تھا۔ پھر ہم دیکھتے کہ کیسے جیتتا ہے انڈیا
سلطان سالارزئی نے ردعمل دیا کہ اب منیب فاروق آئے گا اور بتائے گا کہ ہم نے بھارت کو 119 رنز تک محدود کرکے تاریخ رقم کردی ہے۔ اس کا کریڈٹ مریم نواز کو جاتا ہے۔اس ٹیم کو اگلے پانچ سال تک موقع دیں پھر دیکھیں ملک میں کرکٹ کتنی ترقی کرتی ہے۔
مطیع اللہ جان نے کہا کہ وہ ہمارے پارٹ ٹائم وزیر داخلہ اور پارٹ ٹائم چئیرمین کرکٹ بورڈ محسن نقوی کو دونوں میں سے کس عہدے سے استعفی دینا چاہئیے؟
اویس یوسفزئی نے تبصرہ کیاکہ وزیر داخلہ اپنے ماتحت قانون نافذ کرنے والے اداروں کو کنٹرول نہیں کر سکے اور کرائم ریٹ میں مسلسل اضافہ ہو رہا ہے۔ نا ہی وہ بطور چیئرمین پی سی بی پرفارم کر سکے، اتنی ناقص کارکردگی کہ ٹیم جیتے میچ ہار رہی ہے۔ اب یہ نااہلی ہے یا غفلت؟ یہ وہ خود ہی بہتر بتا سکتے ہیں
صحافی حسن رضا نے ردعمل دیا کہ جیتا ہوا میچ ہارنا کوئی ہم سے سیکھے
صحافی عاصمہ شیرازی نے لکھا کہ کہ ذہنی طور پر شکست قبول کر لی جائے تو فتح بھی شکست میں بدل جاتی ہے۔ ہماری ٹیم ہارنا سیکھ گئی ہے اور جیتنا بھول چُکی ہے ۔ انہیں دباؤ سے بچنے کے لیے نفسیاتی علاج کی ضرورت ہے۔
صحافی امیر عباس نے کہا کہ پاکستان بھارت سے ہار کر تقریباً عملی طور پر کرکٹ ورلڈ کپ سے باہر ہو گیا ہے۔ شکریہ محسن نقوی۔اس شخص کی پرچھائی جہاں جہاں پڑی وہاں وہاں بربادی آئی۔ پنجاب پر پڑی تو ایک سال الیکشن نہ ہو سکا، مخالفین کی زندگی اجیرن بنا دی گئی، وزارت داخلہ پر پڑی تو اُدھر سے بُری خبریں آئیں اور کرکٹ پر پڑی تو وہاں بربادی لے آیا
سابق کپتان سلیم ملک نے عماد وسیم کو جان بوجھ کر میچ ہرانے کا ذمہ قرار دیتے ہوئے کہا کہ انہوں نے آؤٹ ہوئے بغیراس بات کو یقینی بنایا کہ ایوریج بھی بڑھتا رہے۔ اگر بطور بلے باز اسکور نہیں ہو رہا تو آؤٹ ہونے کے بجائے پورا اوور ضائع کرتا تھا۔
فوادچوہدری کے بھائی فرازچوہدری نے محسن نقوی کے بیان پر تبصرہ کیا کہ جناب قوم موجودہ ڈاکٹر کی تبدیلی چاہتی ہے اور بدلے میں باصلاحیت ڈاکٹرز اور سرجن چاہتے ہیں جو اس ملک پر تسلط شدہ خطرناک کینسر کا مکمل خاتمہ کرسکیں
حیدر علی نامی صارف نے ایک ویڈیو شیئر کی جس میں شائقین کرکٹ کا کہنا تھا کہ فارم 47 کے مطابق یہ میچ پاکستان نے جیتا ہے۔
صحافی حامد میر نے کہا کہ انڈیا سے میچ ہارنے کے بعد ان سب سے بلا واپس لے لینا چاہیے۔
- Featured Thumbs
- https://www.siasat.pk/data/files/s3/sich1i1h113.jpg
Last edited by a moderator:
