بھارت کی ایل او سی پر پھر بلااشتعال فائرنگ، پاک فوج کا منہ توڑ جواب

[battery low]

پاک فوج نے لائن آف کنٹرول (ایل او سی) پر بھارت کی بلااشتعال فائرنگ کا منہ توڑ جواب دے دیا۔

ڈان نیوز کے مطابق سیکیورٹی ذرائع کا کہنا ہے کہ بھارت نے آج رات لائن آف کنٹرول پر متعدد مقامات پر پاکستانی پوسٹوں پر بِلا اشتعال فائرنگ کی، پاک فوج نے بھارتی فوج کی جارحیت کا منہ توڑ جواب دیا، جس کے بعد دشمن کی گنیں خاموش ہوگئیں۔

ذرائع کے مطابق بھارت نے لائن آف کنٹرول پر نکیال، کھوئی رٹا، شاردا، کیل، نیلم اور حاجی پیر سیکٹرز میں بلا اشتعال فائرنگ کی، پاکستان کی فوج نے ان سیکٹرز میں دشمن کی بلا اشتعال فائرنگ کا منہ توڑ جواب دیا۔

سیکیورٹی ذرائع کا کہنا ہے کہ پاک فوج دشمن کی کسی بھی جارحیت کا منہ توڑ جواب دینے کے لیے ہر وقت تیار اور پُر عزم ہیں۔


واضح رہے کہ 30 اپریل 2025 کو سرکاری میڈیا نے رپورٹ کیا تھا کہ بھارت نےلائن آف کنٹرول (ایل او سی) پر بلااشتعال فائرنگ کی، 29 اور 30 اپریل کی درمیانی شب بھارت نے ایل او سی پر سیزفائر خلاف ورزی کی تھی۔

بھارت نےایل او سی کے کیانی، منڈل سیکٹر میں بلااشتعال فائرنگ کی، بھارت نے بلا اشتعال فائرنگ میں چھوٹے ہتھیاروں کا استعمال کیا تھا۔

سیکیورٹی ذرائع کے مطابق پاک فوج نے دشمن کی کارروائی کا بھرپورجواب دیا، جس کے نتیجے میں دشمن کے کئی مورچے تباہ ہوگئے، اور بھارت کی گنیں خاموش ہوگئیں۔

سیکیورٹی ذرائع کے مطابق پاک فوج کی جانب سے جوابی کارروائی میں بھارت کی چکپترا پوسٹ تباہ ہوئی تھی۔

واضح رہے کہ پہلگام میں مقامی سیاحوں پر حملے کے بعد بھارت نے بے جا الزام تراشی اور اشتعال انگیزی کا سلسلہ شروع کرتے ہوئے پاکستان کے ساتھ سندھ طاس معاہدہ معطل کرنے اور سفارتی عملے کو 30 اپریل 2025 تک بھارت چھوڑنے کی ہدایت کی تھی، اس کے علاوہ بھی مودی سرکار نے پاکستان کے حوالے سے کئی جارحانہ فیصلے کیے، جن میں پاکستانیوں کے ویزوں کی منسوخی بھی شامل ہے۔


پاکستان کی قومی سلامتی کمیٹی نے جوابی اقدامات کرتے ہوئے بہترین سفارتی حکمت عملی کو اختیار کیا، اور بھارت کے سفارتی عملے کو بھی 30 افراد تک محدود کر دیا گیا تھا، قومی سلامتی کمیٹی نے واضح کیا تھا کہ پانی پاکستان کی لائف لائن ہے، پانی بند کیا گیا تو پاکستان اسے جنگ تصور کرے گا۔

جنوبی ایشیا میں دو ایٹمی قوتوں کے درمیان کشیدگی سے دنیا بھر میں تشویش کی لہر دوڑ گئی ہے، پاکستان نے اقوام متحدہ میں جعفر ایکسپریس حملے کا االزام علاقائی حریف پر عائد کیا ہے، اس سے قبل وزیراعظم شہباز شریف نے پہلگام حملے کی غیر جانبدارانہ تحقیقات کو قبول کرنے کا عندیہ بھی دیا تھا، تاہم بھارت کی جانب سے امن کے لیے اقدامات کے بجائے روایتی ہٹ دھرمی کا سلسلہ برقرار ہے۔

امریکی محکمہ خارجہ اور اقوام متحدہ کے سربراہ انتونیو گوتریس نے دونوں ملکوں پر کشیدگی میں کمی لانے پر زور دیا ہے، تاہم بھارت اپنی روایتی ہٹ دھرمی رکھے ہوئے ہے۔

Source​

 

[NacGhey]

Since 40 years, same handouts

 

[Dr Adam]

یہ پاکستانی جرنیل اپنا علاقہ بھی کھوتے ہیں اپنے جوان اور سویلینز بھی مرواتے ہیں لیکن پراپیگنڈہ ان بیغرتوں کا ہر وقت دندان شکن اور منہ توڑ جواب کا ہی ہوتا ہے
بھارت کو اگر چین کا ڈر نہ ہوتا تو وہ کب کا اس ملک کے جرنیلوں کو الٹا لٹکا کر اس ملک کو تہس نہس کر چکا ہوتا . یہ بزدل جرنیل بس اپنے آئی ایس پی آر کے جوکروں کے ذریعے پھڑیں ہی مار سکتے ہیں ​

 

[aliahmad297622]

Stop selling all iran petrol in balochistan