بھارت میں انتہا پسند ہندؤں نے مسلمانوں کے خلاف اپنی نفرت کےا ظہار کیلئے ایک اور طریقہ اختیار کرلیا ہے جس سے نام نہاد سیکولر بھارت میں ایک اور تنازعہ کھڑا ہوگیا ہے۔
بھارتی میڈیا رپورٹس کے مطابق یہ تنازعہ بھارتی ریاست مدھیہ پردیش کے ضلع رتلام میں سامنے آیا جہاں کی ایک انتہا پسند ہندو تنظیم نے لاؤڈ اسپیکر کے ذریعے مساجد میں اذانوں پر اعتراضات اٹھادیئے ہیں۔
اس تنظیم کے کارکن کی ایک ویڈیو بھی منظر عام پر آئی ہے جس میں اس کا کہنا ہے کہ مسجد کے سامنے والی عمارت میں لاؤڈ اسپیکرز نصب کردیئے گئے ہیں ، جیسے ہی اذان ہوگی ہم اپنے اسپیکرز میں اونچی آواز میں گانے چلائیں گے۔
29 سیکنڈز پر مشتمل اس ویڈیو میں نریندر مودی کے نام نہاد سیکولر بھارت کا ایک نوجوان شہری کہتا ہے کہ مسجد میں پانچ وقت کی اذان کے خلاف عدالت میں بھی درخواست کی مگر اس کے باوجود مسجد میں اذان نہیں رک رہی۔
نوجوان نے کہا کہ اب ہم نے اس کا توڑ ڈھونڈ نکالا ہے ہم اذان کے مقابلے میں اونچی آواز میں گانے چلائیں گے، میرا یہ پیغام پورے بھارت میں پھیلایا جائے ۔
بھارتی میڈیا رپورٹس کے مطابق یہ ویڈیو 31 جنوری کو سامنے آئی جس کے بعد مقامی پولیس نے گاؤں کے مسلمان باسیوں پرلاؤ ڈ اسپیکر پر اذان نہ دینے پر زور دیا اور ساتھ ہی ہندؤں کی جانب سے گانوں کیلئے لگائے گئے اسپیکرز بھی ہٹوادیئے۔
- Featured Thumbs
- https://www.siasat.pk/data/files/s3/10indiaazanmasjid.jpg
