بھارت میں انسانیت سوز واقعہ، شوہر نے سابقہ اہلیہ کو گلے سے لگا کر خود کو دھماکے سے اڑا لیا، دونوں جاں بحق ہو گئے۔
تفصیلات کے مطابق بھارتی ریاست میزورام میں 62 سالہ شخص نے کسی بہانے سے اپنی سابق بیوی کو گلے لگا کر خود کو دھماکے سے اڑا لیا، دھماکے کے نتیجے میں دونوں موقع پر ہی ہلاک ہوگئے۔
مقامی پولیس کا کہنا ہے کہ ایک سال قبل ہی جوڑے کے درمیان علیحدگی ہوئی تھی، روہنگلیانا نامی شخص اپنی سابقہ اہلیہ سے ملنے سبزی منڈی پہنچا جہاں وہ خاتون اپنے پہلے شوہر سے ہونے والی بیٹی کے ساتھ مل کر سبزیاں فروخت کرتی تھیں۔
شخص نے اپنی سابقہ اہلیہ کو طبیعت کی خرابی کا بتایا اور بیہوشی کا ڈرامہ رچایا اور بیوی سے گلے لگ گیا اور اسی وقت زور دار دھماکا ہوا۔
دھماکے کے نتیجے میں دونوں موقع پر ہی جاں بحق ہوگئے جبکہ بیٹی معمولی زخمی ہوئی۔
پولیس نے کا کہنا ہے کہ تفتیش مکمل ہونے کے بعد ہی اصل حقائق سامنے آسکیں گے تاہم شبہ ہے کہ دھماکے میں جیلیٹن استعمال کی گئی تھی جو حملہ آور شوہر مبینہ طور پر اپنے لباس میں چھپا کر لایا تھا۔
- Featured Thumbs
- https://www.siasat.pk/data/files/s3/crm1121.jpg
