بھارت میں ایک گرو نامی شخص کو غیر ملکی خواتین سے تضحیک آمیز رویہ اختیار کرنا اور ان کی "بولیاں" لگانا مہنگا پڑگیا ہے۔
تفصیلات کے مطابق یہ واقعہ بھارت کے شہر جے پور میں سامنے آیا جہاں ایک گرو نامی شخص نے غیر ملکی خواتین سیاحوں کے ساتھ تضحیک آمیز رویہ اپنایا ، اس واقعہ کی ویڈیو منظر عام پر آنے کے بعد مقامی پولیس نے گرو کو گرفتار کرلیا ہے۔
انسٹاگرام پر شیئر ہونے والی ویڈیو میں دیکھا جاسکتا ہے کہ گرو کچھ غیر ملکی سیاحوں کی ویڈیو ریکارڈ کرتا ہے، ان کے ارادوں سے بے خبر خواتین معمول کے مطابق بلکہ گرو کے تضحیک آمیز رویے کا مسکرا کر جواب دیتی ہیں، گرو ویڈیو میں خواتین کی طرف اشارہ کرتے ہوئے کہتے ہیں کہ "یہ خاتون آپ کو 150 روپے میں ملے گی، یہ150 میں دستیاب ہے، وہ والی 200 میں ملے گی جبکہ یہ خاتون 500 روپے میں حاصل کی جاسکتی ہے"۔
غیر ملکی خواتین ہندی سے نابلد تھیں اس لیے انہیں گرو کی گفتگو اور اس تضحیک کا اندازہ نہیں ہوا تاہم ویڈیو سوشل میڈیا پر وائرل ہونے کے بعد سوشل میڈیا صارفین نے گرو کے رویے پر شدید تنقید کی۔
سوشل میڈیا پر اس معاملے کو ہوا ملتے ہی مقامی پولیس نے 23 جون کو سیاحوں کو ہراساں کرنے اور ان کی ویڈیوز سوشل میڈیا پر پوسٹ کرنے کے الزامات کے تحت گرو کو حراست میں لے لیا ۔
- Featured Thumbs
- https://www.siasat.pk/data/files/s3/12bharuyieeuubili.png
