آج بشریٰ بی بی اڈیالہ جیل عمران خان سے ملاقات کرنے گئیں تو انتہائی سخت سیکیورٹی کےباوجود اڈیالہ جیل کے باہر چند نوجوانوں نے احتجاجی مظاہرہ کیا اور بشریٰ بی بی کی گاڑی کا گھیراؤ کرلیا۔
ان مظاہرین نے بشریٰ بی بی کے خلاف "عدت میں نکاح نامنظور" اور "کالاجادو نامنظور" کے نعرے لگائے۔دلچسپ بات یہ ہے کہ ان میں سے بیشتر مظاہرین نے اپنے چہرے چھپائے ہوئے تھے۔
اس کلپ کے سامنے آتے ہی مختلف صحافیوں اور سوشل میڈیا صارفین نے اسے عمران خان کو عدالت پیشی سے روکنے کا حربہ قرار دیا اور کہا کہ اس کے بعد عدالت میں جواز پیش کیا جائے گا کہ سیکیورٹی صورتحال کی وجہ سے عمران خان کو عدالت میں پیش نہیں کیا جاسکتا۔
کچھ سوشل میڈیا صارفین نے اسے عمران خان اور بشریٰ بی بی کے خلاف گھٹیا کمپین کا حصہ قرار دیا اور کہا کہ یہ عمران خان کوتوڑنے کی کوشش ہے لیکن اس قسم کے حربوں سے عمران خان نہیں ٹوٹے گا۔
تحریک انصاف آفیشل نے اس پر ردعمل دیتے ہوئے کہا کہ جس طرح کے جعلی کیسز بنائے جا رہے ہیں ویسے ہی جعلی مظاہرین بلائے گئے جو اپنا منہ تک چھپا رہے تھے کیمرے سے اگر کوئی سمجھتا ہے کہ عمران خان کی فیملی کو ہراس کر کے اسے توڑ لیں گے تو یہ ان کی بھول ہے، یہ جتنا بھی نیچے گر جائیں اور گھٹیا پن دکھائں نہ عمران خان ٹوٹے گا نہ اس کے ورکرز
حماداظہر نے ردعمل دیا کہ بندہ پوچھے کے یہ حرکت کر کے حکام نے کیا حاصل کر لیا؟ عورت پر کمزور اور چھوٹا آدمی حملہ کرتا ہے۔ دیہاری پر مزدور لا کر ایسی کچھیں مارنا کوئی بہادری نہیں۔ عمران خان کا مقابلہ انتخابی میدان میں کریں۔
عمرجٹ نے تبصرہ کیا کہ اجرتی اینکروں سے اگر مقاصد حاصل نہیں ہوئے نا تو ان بیچارے اجرتی مزدور احتجاجیوں سے کیا ہو گا۔ان غریبوں سے ایسے گھٹیا احتجاج کروانے کی بجائے ان کو گرم کپڑے لے کر دیں دعائیں ملیں گی
فیضان خان کا کہنا تھا کہ سائفر کیس میں کل عمران خان کی حاضری آن لائن ہونے کا امکان ہے کیونکہ چالان ابھی پیش نہیں ہوا اور اڈیالہ جیل کے باہر لگنے والا شو تو سب نے دیکھ ہی لیا ہے
احتشام عباسی نے کہا کہ مقصد صرف اتنا ہے کہ کل عمران خان کو عدالت پیش نہ کرنے کا جواز پیدا کیا جائے
اکبر نے کہا کہ اپنے فیصلہ سازوں کی دماغی حالت دیکھ کر اب تو رونا آتا ہے کہ کن جاہلوں کے ہاتھ ملک لگا ہوا ہے اور یہ کتنے نیچے گرے ہوئے عقل سے پیدل لوگ ہیں لیکن دوسری طرف خوف بھی آتا ہے کہ اس حد تک گرنے والے ہمارے ملک کا کیا کیا نقصان کر چکے ہونگے اور آگے کیا کچھ کرسکتے ہیں
رضوان غلیزئی نے تبصرہ کیا کہ تعزیرات پاکستان کی دفعہ 509 کے مطابق خاتون پر آوازیں کسنا اور ہراساں کرنے پر تین سال قید اور پانچ لاکھ روپے جرمانے کی سزا ہے۔ کوئی مہذب ملک ہوتا تو کرایے کا یہ ہجوم جیل میں ہوتا۔
ارسلان بلوچ نے کہا کہہ کردار کشی کے بعد اج باضابطہ طور پر بشری بی بی کے اوپر حملہ کیا گیا۔نوٹ کر لو یہ بات
مریم رائے نے کہا کہ اب جب عمران خان انکی تحویل میں ہیں تو کہتے ہیں آئن لائن حاضری لگوا لو۔باہر سیکورٹی خدشات ہیں۔۔ اور جب خان صاحب کو گولی لگی تھی وہ چل نہیں سکتے تھے تب کہتے تھے کہ ہر حال میں پیش ہوں۔۔۔ یہ چاہتے کیا ہیں؟؟؟ اور کتنا گرنا ہے؟
احمد وڑائچ نے کہا کہ عمران خان کی جان کو خطرہ ہے، عدالت نہیں پیش کر سکتے، جیل ٹرائل کیا جائے وغیرہ وغیرہ وغیرہ ۔۔۔ کسی نے روکنا ہوتا تو لاہور زمان پارک بھی روک لیتا، اڈیالہ جیل کے سامنے یہ دو نمبری کرانے کا مقصد کچھ اور ہے
خرم کا کہنا تھا کہ آج جو کچھ اڈیالہ جیل کے باہر ہوا اُس کے بعد عمران خان کی کل عدالت پیشی مشکل لگ رہی ہے
صبغت اللہ ورک نے اس پر ردعمل دیا کہ واضح طور پر گلی کوچوں میں تشدد و انتشار کا منصوبہ ہے تاکہ پرامن سیاسی سرگرمیوں کی راہ روک کر تشدد کو داخل کیا جائے اور اس انتخاب سے فرار کی راہ لی جائے جس کے نتائج کے تصور ہی سے کانپیں ٹانگتی اور جان نکلتی ہے۔
انہوں نے مزید کہا ک یہ تازہ ترین بیہودگی اس خاک کے اثر سے نکلنے کی مایوس کن کوشش ہے جو دیر سے کرک تک پختونخوا کے عوام نے باہر نکل کر ان کے سروں میں ڈالی!حماقتوں میں تو ان کا روزِ اوّل سےکوئی ثانی نہ تھا، اب گندگی، غلاظت اور بیہودگی میں بھی اپنا سکّہ جماناچاہتےہیں۔ لعنت ہے اس سوچ اور ان کی شرارتوں پر!
- Featured Thumbs
- https://www.siasat.pk/data/files/s3/bsh1i11h.jpg
