وفاقی وزیراطلاعات مریم اورنگزیب نے عمران خان کے بیان پر شدید ردعمل دے دیا، توئٹر پیغام میں کہا غیر ملکی لابی فرمز کے غلام حقیقی آزادی کی جنگ لڑ رہے ہیں، بزدل وہ ہوتا ہے جو عورتوں اور بچوں کو ڈھال بنا کر خود چارپائی کے نیچے چھپ جائے،اقتدار کی خاطر اپنی بیٹی کو قبول نہ کرنے والا بزدل ہے۔
مریم اورنگزیب نے مزید کہا آزادی کی جنگ لڑنے والا پہلا بزدل ہے جو کالے ڈبے منہ پر پہن کر باہر نکلتا ہے، بزدل وہ ہوتا ہے جو عورتوں اور بچوں کو ڈھال بنا کر خود چارپائی کے نیچے چھپ جائے،عمران خان نے اپنی کرسی کی خاطر ملک کےخلاف سازش کی۔
چیئرمین پی ٹی آئی عمران خان نے ن لیگی قائد پر تنقید کرتے ہوئے کہا تھا بزدل آدمی لیڈر نہیں نواز شریف بن جاتا ہے،لاہور میں کارکنوں سے خطاب میں عمران خان نے کہا تھا کہ تحریک انصاف کی جنگ حقیقی آزادی کی جنگ ہے، ہم نے انصاف لینا ہے، آزادی کی جنگ کےلیے قوم کو تیار ہونا ہے۔
عمران خان نے کہا تھا سہولت کاروں نے ہمیں غلام سمجھ کر چوروں کا ٹولہ اوپر بٹھادیا ہے، ہم سب لیڈر ہیں کیونکہ ہم اشرف المخلوقات ہیں،میرے گھر پر حملہ کیا گیا، اب علی امین کو گرفتار کر لیا ہے تاکہ یہ بتاسکیں کہ ہم غلام ہیں۔
انہوں نے کہا تھا ہم اپنی صلاحیتوں کو آزماتے نہیں جس کی بڑی وجہ خوف ہے، لیڈرخوفزدہ نہیں ہوتا، بزدل آدمی لیڈر نہیں بنتا وہ نواز شریف بن جاتا ہے،اللّٰہ تعالیٰ نے انسانوں کو بے پناہ صلاحیتیں بخشی ہیں، میں اسلام کا اسکالر نہیں، میں نےسب اپنی زندگی سے سیکھا ہے۔
جو انقلاب اللّٰہ کے نبی صلی اللّٰہ علیہ وسلم لے کر آئے ویسا دنیا میں کہیں نہیں آیا، لا الہ الااللّٰہ کی طاقت ہے کہ دو سپر پاورز نے گھٹنےٹیک دیے۔
