برطانیہ نے رواں ہفتے سے کورونا وائرس کےخطرے کے پیش نظر عائد کردہ تمام سفری پابندیاں ختم کرنے کا اعلان کردیا ہے۔
بین الاقوامی میڈیا رپورٹس کے مطابق یہ اعلان برطانیہ کے وزیر ٹرانسپورٹ نے کیا اور کہا کہ ایسٹر کے موقع پرملک میں عائد کورونا کی تمام سفری پابندیاں ہٹانے کا فیصلہ کیا ہے۔
انہوں نے اپنے بیان میں کہا کہ کورونا وائرس کے ممکنہ پھیلاؤ کو روکنے کیلئے عائد کردہ پابندیوں میں سے بہت سی پہلے ہی ہٹالی گئی ہیں تاہم باقی ماندہ پابندیاں رواں ہفتے ختم کردی جائیں گی۔
برطانوی وزیر ٹرانسپورٹ کا کہنا تھا کہ اگلے ماہ شہری آزادنہ طریقے سے ایسٹر مناسکیں گے، پابندیاں ختم کرنے کا فیصلہ اس لیے کیا ہے کیونکہ لوگوں میں اس جان لیوا بیماری کے خلاف مزاحمت کی صلاحیت پیدا ہوتی جارہی ہے اور اب لوگ اس وائرس کے ساتھ جینے کے قابل ہوچکے ہیں۔
واضح رہے کہ دسمبر 2019 میں دنیا بھر میں پھیلنے والےکورونا وائرس کےبعد دنیا بھر میں سفری پابندیاں عائد کردی گئی تھیں، کورونا کے پھیلاؤ کےبعد یہ پہلا موقع ہوگا جب برطانیہ میں مسافروں کوآمد ورفت کے دوران کسی بھی پابندی کا سامنا نہیں کرنا پڑے گا۔
- Featured Thumbs
- https://www.siasat.pk/data/files/s3/bartan111.jpg
