برازیل کی عدالت نے ملک کے سابق صدر بولسونارو کو سعودی عرب کے بیش قیمت تحائف واپس کرنے کے لیے 5 دن کی مہلت دے دی۔
عالمی خبر رساں ادارے اے ایف پی کے مطابق دور صدارت میں بولسونارو نے سعودی عرب سے 2 بیش قیمت ڈائمنڈ جیولریز وصول کی تھیں جس کی مالیت 32 لاکھ اور 75 ہزار ڈالر بنتی ہے۔
یہ جیولری سیٹ اس وقت کے وزیر معدنیات و توانائی اپنے صدر بولسونارو کے لیے سعودی عرب سے لاتے ہوئے کسٹم پر پکڑے گئے تھے اور صدر کے کہنے پر ہی انہیں جیولریز لے جانے کی اجازت دے دی گئی تھی۔
تاہم صدر نے یہ جیولریز جمع کرانے کے بجائے اپنے پاس رکھ لی تھیں جب کہ برازیلی قوانین کے تحت حکومتی عہدیدار صرف ذاتی نوعیت اور کم ترین مالیت کے تحائف ہی اپنے پاس رکھ سکتے ہیں۔ صدارت سے محرومی کے بعد یہ کیس وفاقی عدالت تک پہنچا تھا۔
عدالت نے جیولریز کے ساتھ ساتھ متحدہ عرب امارات کی دو قیمتی پستولیں بھی صدارتی محل میں جمع کرانے کا حکم دیتے ہوئے کہا کہ تحائف جمع کرانے کے لیے 5 دن کی مہلت دی جاتی ہے ورنہ سخت کارروائی ہو گی۔
- Featured Thumbs
- https://www.siasat.pk/data/files/s3/8brazilbolsonaro.jpg
