بجلی کی قیمت میں اضافے اور غیراعلانیہ لوڈشیڈنگ کے باعث پاور لومز کی صنعت تباہ ہو چکی ہے جس پر فیصل آباد کے پاور لومز ملازمین اور مالکان نے احتجاج کیا۔
تفصیلات کے مطابق بجلی کی قیمت میں اضافے اور غیراعلانیہ لوڈشیڈنگ کے باعث پاور لومز کی صنعت تباہ ہو چکی ہے پاور لومز مالکان اور بیروزگار ہزاروں مزدوروں کے ساتھ سڑکوں پر نکل کر احتجاج کرتے ہوئے موجودہ حکومت کے خلاف نعرے بازی کی۔ ان کا کہنا تھا کہ بجلی کی 60 روپے فی یونٹ ادائیگی ناممکن ہو چکی ہے اور ہم فیکٹریاں بند کرنے پر مجبور ہیں۔پیداواری لاگت کے باعث خسارے کے بوجھ تلے دبنے کے بعد فیکٹریاں بند ہو رہی ہے اور ہزاروں ہنرمند بیروزگار ہو چکے ہیں۔
پاور لومز مالکان وملازمین نے شدید احتجاج کرتے ہوئے کہا کہ موجودہ حکومت کو آگاہ کر چکے ہیں کہ بجلی کی موجودہ قیمت پر پاور لومز انڈسٹری چلنا ناممکن ہے، ابھی جزوی طور پر پاور لومز انڈسٹری بند ہو رہی ہے لیکن حالات ایسے ہی رہے تو مکمل بند ہوسکتی ہے۔‘بجلی کی غیراعلانیہ لوڈشیڈنگ اور قیمت میں اضافے کے باعث ہزاروں مزدور بیروزگار ہو چکے ہیں، ان حالات سے موجودہ حکومت کو بتا چکے ہیں، اس کے باوجودہ موجود حکومت ہماری بات پر کان نہیں دھر رہی جو تشویش کا باعث ہے۔
پاور لومز کی جزوی بندش سے پیداوار میں کمی ہوئی ہے کیوں کہ لاگت زیادہ ہونے کے باعث آرڈرز پورے نہیں ہو رہے اور اخراجات اور لیبر کو مزدوری بھی پوری نہیں مل رہی جبکہ بجلی کی لوڈشیڈنگ کے باعث ملنے والے آرڈر بھی بروقت تیار نہیں ہو رہے، ان حالات میں اس انڈسٹری کو چلانا مشکل ہوچکا ہے۔ متعدد پاور لومز بند ہو چکی ہیں اور جو چل رہی ہیں وہ نقصان میں چل رہی ہیں، حکومت بات سننے کو تیار نہیں جس کے باعث آج سڑکوں پر ہیں۔
یاد رہے کہ پاکستان میں مجموعی طور پر تین سے چار لاکھ پاور لومز ہیں جن میں سے ڈھائی لاکھ صرف فیصل آباد میں ہیں جبکہ ملک کی مجموعی قومی پیداوار میں ٹیکسٹائل شعبے کا آٹھ فیصد سے زائد حصہ ہے اور ملک کے مجموعی برآمدی شعبے میں اس کی مصنوعات کا حصہ تقریباً ساٹھ فیصد ہے۔ ’برآمدات میں کمی سے ملک معاشی طور پر نقصان ہو رہا ہے۔
پاور لومز مالکان کا کہنا ہے کہ پیداواری لاگت کم نہیں ہوئی تو ہم دوسرے ملکوں سے آنے والے کپڑے کی قیمت کا مقابلہ کسی صورت نہیں کر سکیں گے۔ ملک بھر میں بجلی کی غیر اعلانیہ لوڈشیڈنگ کا مسلسل جاری ہے اور شہریوں کے ساتھ ساتھ پاور لومز کی صنعت بھی شدید متاثر ہو رہی ہے۔
- Featured Thumbs
- https://www.siasat.pk/data/files/s3/11powerloomdobarabnd.jpg
