مشہور اینکر اور ملک کی مایہ ناز قانون دان عاصمہ جہانگیر کی صاحبزادی منیزے جہانگیر کو اپنے پروگرام میں عمران خان کے نکاح سے متعلق سوال کرنا مہنگا پڑگیا، پروگرام میں شریک سینئر وکلاء نے منیزے جہانگیر کے سوال پر جواب دینے سے انکار کردیا۔
تفصیلات کے مطابق منیزے جہانگیر نے آج نیوز پر اپنے پروگرام"سپاٹ لائٹ" میں عمران خان کے مبینہ طور پر بشریٰ بی بی کی عدت پوری ہونے سے قبل نکاح کرنے سے متعلق سوال اٹھایا جس پر پروگرام میں شریک بیرسٹرجہانگیر جدون نے کہا کہ میں ایسے نجی معاملات سے متعلق سوال پر کوئی ردعمل نہیں دے سکتا۔
منیزے جہانگیر نے اس سوال کو دوبارہ اٹھاتے ہوئےحسن رضا پاشا سے پوچھا کہ اگر عمران خان اس معاملے میں نااہل ہوگئے تو کیا ایسا نہیں ہوگا کہ ایک اور وزیراعظم نااہلی کی بھینٹ چڑھ گیا؟
حسن رضا نے کہا کہ فیملی میٹرز کو سیاسی طور پر استعمال یا مس یوز نہیں کرنا چاہیے، میں جہانگیر جدون کی بات کی توثیق کرتا ہوں، میں نے آج تک کسی سیاستدان کی ذاتی زندگی کے بارے میں بات نہیں کی، اس معاملے پر ڈسکشن بھی نہیں ہونی چاہیے، یہ ان کا اپنی اہلیہ کے ساتھ معاملہ ہے۔
پروگرام میں شریک سینئر وکیل سلمان اکرم راجا نے کہا کہ عمران خان کے خلاف یہ کیس ایک انتہائی کمزور مقدمہ ہے، اگر یہ کیس چلے گا تو اس کو کرنے والے اس کیس سے بھاگیں گے، اس کیس میں کچھ بھی نہیں ہے۔
منیزے جہانگیر کی جانب سے بار بار اس سوال کو اٹھانےا وروکلاء کی جانب سے جواب نا دینے پر پاکستا ن تحریک انصاف کے رہنماؤں، صحافیوں اور سوشل میڈیا صارفین نے منیزے جہانگیر کو آڑے ہاتھوں لیا۔
پاکستان تحریک انصاف کے رہنما ڈاکٹر شہباز گل کا کہنا تھا کہ یقین نہیں آتا کہ عاصمہ جہانگیر کی بیٹی اتنی اخلاقی پستی میں گر سکتی ہے۔ مہمان بات کرنے سے انکاری ہیں لیکن عورتوں کے حقوق کی علمبردار منیزے جہانگیر کیچڑ اچھالنے پر اتنی بضد کیوں؟
ڈاکٹر شہباز گل نے مزید کہا کہ جہانگیر جدون ن لیگ کا حصہ رہ چکے ہیں مگر تربیت اچھی ہونے کی وجہ سے انہوں نے ایسے گھٹیا سوال کا جواب دینے سے انکار کردیا،
پی ٹی آئی رہنما اظہر مشہوانی نے کہا کہ عاصمہ جہانگیر خود کو بڑا لبرل کہتی تھیں، ان کی بیٹی کی حرکتیں چیک کریں، تین لوگوں سے سوال پوچھا مگر تینوں نے مل کر منیزے جہانگیر کو ذلیل کیا۔
مزمل اسلم نے کہا کہ اگر آج منیزے جہانگیر کی والدہ زندہ ہوتیں تو وہ اس کیس کی مخالفت میں آخری حد تک جاتیں، مگر منیزے جہانگیر کسی کی خوشودی کیلئے بار بار کوششیں کررہی ہیں۔
صحافی عمران افضل راجا نے کہا کہ منیزے جہانگیر خود بھی خواتین کے حقوق کی بہت بڑی علمبردار دکھائی دینے کی کوشش کرتی ہیں، تمام شرکاء کے غیر اخلاقی موضوع پر بات کرنے سے گریز کے باوجود منیزے جہانگیر اسی ٹاپک پر بحث کررہی ہیں۔
صحافی ارم زعیم نے کہا کہ تمام مہمانوں نے آئینہ دکھادیا مگر منیزے جہانگیر باز نہیں آئیں، وہ یہ سننا چاہتی تھیں کہ کوئی یہ کہہ دےکہ عمران خان اس کیس میں نااہل ہوجائیں گے، مگر انہیں مایوسی اور ناکامی کا سامنا کرنا پڑا۔
ساجد اکرام نے کہا کہ اگر عاصمہ جہانگیر زندہ ہوتیں تو بغض عمران میں اسی ٹولے کے ساتھ کھڑی ہوتیں۔
حمزہ خان نے کہا کہ تینوں مہمانوں نے منیزے جہانگیر کو انکار کردیا مگر وہ باز نہیں آئیں، یہ سو کالڈ لبرل اور عاصمہ جہانگیر کی بیٹی ہیں۔
- Featured Thumbs
- https://www.siasat.pk/data/files/s3/munaizh11h.jpg
