بابر اعظم نے ایک اور اعزاز اپنے نام کرلیا، بابراعظم کی آئی سی سی ون ڈے رینکنگ میں پہلی پوزیشن برقرار
قومی کرکٹ ٹیم کے مایہ ناز بلے باز اور سابق کپتان بابر اعظم نے ایک اور بڑی کامیابی حاصل کی ہے۔ انٹرنیشنل کرکٹ کونسل (آئی سی سی) نے ون ڈے، ٹی ٹوئنٹی اور ٹیسٹ کی نئی رینکنگ جاری کی ہے، جس میں بابر اعظم نے ون ڈے رینکنگ میں 795 پوائنٹس کے ساتھ پہلی پوزیشن برقرار رکھی ہے۔
یہ مسلسل چوتھی بار ہے کہ بابر اعظم نے سال کا اختتام ون ڈے رینکنگ میں پہلی پوزیشن کے ساتھ کیا ہے۔ بابر نے 2022، 2021، 2023 اور 2024 کے اختتام پر ون ڈے کے ٹاپ بیٹر ہونے کا اعزاز حاصل کیا۔
بابر اعظم پاکستان کے واحد بلے باز ہیں جنہیں یہ منفرد اعزاز حاصل ہوا ہے۔ ان سے قبل بھارت کے ویرات کوہلی اور جنوبی افریقہ کے اے بی ڈیویلیئرز بھی مسلسل 4،4 مرتبہ یہ اعزاز حاصل کر چکے ہیں۔
بابر اعظم کی یہ کامیابی ان کی محنت، مہارت اور مستقل کارکردگی کا منہ بولتا ثبوت ہے، جو پاکستانی کرکٹ کے لیے ایک بڑی خوشخبری ہے۔
- Featured Thumbs
- https://i.imghippo.com/files/PbB2855pd.jpg
