بابراعظم نے بیٹ اور بلے کا اسپانسسر تبدیل کرلیا؟

نئے سال کے پہلے ٹریننگ سیشن کے دوران جب قومی کرکٹ ٹیم کے کپتان بابر اعظم نے نیٹس میں اپنی تیاریوں کا آغاز کیا، تو ان کے ہاتھ میں ان کا روایتی گرے نکلس کا بلا نہیں تھا۔ یہ بات ان کے مداحوں کے لیے حیرت انگیز تھی، خاص طور پر جب انہوں نے حال ہی میں پہلے ٹیسٹ میچ کی دوسری اننگز میں نصف سنچری کی تکمیل پر اپنا گرے نکلس کا بلا اٹھا کر شاندار کارکردگی کی داد وصول کی تھی۔

پاکستانی ٹیم اس وقت جنوبی افریقہ میں ٹیسٹ سیریز کھیل رہی ہے، اور یہ ٹریننگ سیشن 3 جنوری کو ہونے والے دوسرے ٹیسٹ کی تیاری کا حصہ تھا۔ ابھی حال ہی میں بابر اعظم 150 سال سے زیادہ عرصے سے اسپورٹس سامان بنانے والی برطانوی کمپنی گرے نکلس کے برانڈ ایمبیسڈر تھے، جو ان کے لیے ایک اعزاز کی بات تھی۔

حال ہی میں گرے نکلس نے انہیں اپنی 'فیب فور' کی فہرست میں شامل کیا تھا، جو دنیا کے چار بہترین بلے بازوں کی نمائندگی کرتی ہے۔ تاہم، یکم جنوری کے ٹریننگ سیشن میں بابر کے نئے بلا کو دیکھ کر یہ واضح ہوگیا کہ انہوں نے کئی سال بعد اپنا بیٹ سپانسر تبدیل کر لیا ہے۔

سوشل میڈیا پر گرے نکلس نے ایک مبہم پیغام کے ساتھ بابر کی تصویر شیئر کی، جس میں کہا گیا، "کاش یہ معلوم ہوتا کہ آپ اچھے دن گزار رہے ہیں، انھیں چھوڑنے سے قبل۔"

بابر نے اب سی اے اسپورٹس کا 'سی اے 56' نامی بلا منتخب کیا ہے، جس کی قیمت دھائی لاکھ روپے سے زیادہ ہے۔ یہ سوال اب اٹھتا ہے کہ بابر اعظم کے اس نئے بلا کے ساتھ دوسرے ٹیسٹ میچ میں ان کی کارکردگی کیسی رہے گی۔ ان کی یہ تبدیلی واقعی بین الاقوامی کرکٹ میں ایک نئی شروعات کی علامت ہو سکتی ہے۔​